Farming Inputs: खरीप हंगामाच्या पार्श्वभूमीवर शेतकऱ्यांची लूट करणाऱ्यांविरोधात कृषी विभागाने जिल्ह्यात मोठी मोहीम सुरू केली आहे. त्र्यंबकेश्वर तालुक्यातील हरसूल येथे विनापरवाना खत साठवणूक केल्याप्रकरणी कृषी विभागाने छापा टाकून सुमारे ४ लाख ५० हजार रुपये किमतीचा मुद्देमाल जप्त केला आहे. याप्रकरणी छत्रपती संभाजीनगर येथील संबंधित कंपनीच्या मालकावर हरसूल पोलिस ठाण्यात गुन्हा दाखल करण्यात आला आहे..जिल्हा परिषदेचे मोहीम अधिकारी दीपक सोमवंशी यांना मिळालेल्या माहितीनुसार, १६ एप्रिल रोजी दुपारी २ वाजेच्या सुमारास जिल्हा भरारी पथकाचे प्रमुख वरुण पाटील, विभागीय गुणवत्ता नियंत्रण निरीक्षक कल्याण पाटील व तालुका गुणवत्ता नियंत्रण कृषी अधिकारी यांच्या पथकाने हरसूल येथील दावल नगरमधील ‘एसएम कॉम्प्लेक्स’मध्ये तपासणी केली. .Illegal Fertilizer Stock : अवैध खतसाठाप्रकरणी पाथरी पोलिसांत गुन्हा.यावेळी बंद असलेला एक गाळा पोलिसांच्या मदतीने उघडला असता, त्यात ‘आर. एस. बायोटेक’ (शेंद्रा एमआयडीसी, छत्रपती संभाजीनगर) या कंपनीचे ‘प्रोम गोल्ड’ व ‘बायो न्यूट्री गोल्ड’ या उत्पादनांच्या प्रत्येकी १७५ अशा एकूण ३५० गोण्या आढळल्या. त्यांची किंमत सुमारे ४.५० लाख रुपये आहे..Fertilizer Stock: जालना जिल्ह्यात १ लाख २९ हजार टन खतसाठा उपलब्ध.घटनास्थळी उपस्थित असलेले कंपनी प्रतिनिधी भालचंद्र माने व बंडू देशमुख यांच्याकडे साठवणूक व विक्री परवान्याबाबत विचारणा केली असता, त्यांच्याकडे कोणताही अधिकृत परवाना नसल्याचे स्पष्ट झाले..तसेच कंपनीने उत्पादनाची विक्री करण्यासाठी पाठवले असल्याचे त्यांनी सांगितले. कंपनीचे मालक बापूसाहेब भाऊराव जगताप यांच्यावर १७ एप्रिल रोजी पहाटे हरसूल पोलिस ठाण्यात गुन्हा क्रमांक ००४२/२०२६ नोंदवण्यात आला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
