Nashik News: केंद्र सरकारच्या किंमत स्थिरीकरण निधी योजनेअंतर्गत आम्ही ‘नाफेड’ व ‘एनसीसीएफ’कडे खरेदी केंद्रांवर विक्री केला. त्यावेळी ७२ तासांत पैसे देऊ, अशी घोषणा होती. सहा महिने उलटूनही शेतकरी पैशांच्या प्रतीक्षेत आहेत. .अगोदरच अतिवृष्टी, मॉन्सूनोत्तर पावसाने मोठे नुकसान झाले आहे. आर्थिक संकटात असल्याने विक्री केलेल्या कांद्याचे पैसे तरी तत्काळ द्या, अशी मागणी नाशिक जिल्ह्यातील कांदा उत्पादक शेतकऱ्यांच्या शिष्टमंडळाने केंद्रीय कृषी व शेतकरी कल्याण मंत्री शिवराजसिंह चौहान यांच्याकडे बुधवारी (ता. १०) केली आहे..Onion Payment Pending: कांद्याच्या थकित देणीविषयी शरद पवारांकडे मांडली कैफियत.गेल्या सहा महिन्यांपूर्वी केंद्र सरकारच्या ग्राहक व्यवहार विभागाच्या माध्यमातून किंमत स्थिरीकरण निधी योजनेअंतर्गत ३ लाख टन कांद्याची खरेदी झाली. यापूर्वी गणेशोत्सव व त्यानंतर दिवाळी दरम्यान देयके रखडत दिल्याने शेतकऱ्यांची कोंडी झाली आहे. त्यात आता काही संस्था व शेतकरी उत्पादक कंपन्यांकडे खरेदी झालेला साठा जुळत नसल्याचे कारण देत ग्राहक व्यवहार विभाग देयके अदा करत नसल्याचे समोर आले आहे..Onion Pending Payment: ‘नाफेड’, ‘एनसीसीएफ’च्या कांदा खरेदीची रक्कम लवकर द्या.‘‘आम्ही कांद्याची विक्री केली त्याची नोंद केंद्र सरकारच्या पोर्टलवर आहे. त्यामुळे आता कुठलेही तांत्रिक कारण न देता शेतकऱ्यांचे पैसे द्यावेत,’’ या मागणीसाठी नाशिकमधील शेतकरी चार दिवसांपासून दिल्लीत ठाण मांडून आहेत..कृषिमंत्री चौहान यांच्याशी भेटी प्रसंगी शेतकऱ्यांनी अडचणी मांडल्या. त्यांनी केंद्रीय ग्राहक व्यवहार मंत्री प्रल्हाद जोशी यांना संपर्क साधला. मात्र त्यांची भूमिका या मुद्द्यावर अद्यापही नकारात्मक असल्याचे शेतकऱ्यांनी सांगितले. या वेळी भाजप किसान मोर्चाचे जिल्हाध्यक्ष अशोक पेंढारकर यांच्यासह शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
