Ahilyadevi Holkar Scheme: पुण्यश्लोक अहिल्यादेवी होळकर शेतकरी कर्जमुक्ती योजनेच्या अंमलबजावणीत जिल्ह्यातील ६६ हजार ६ खातेदारांची माहिती शासनाकडे पाठविण्यात आली होती. यापूर्वी तीन टप्प्यांत जाहीर झालेल्या याद्यांमध्ये ४४ हजार ३८७ शेतकरी पात्र ठरले आहेत. त्यापैकी ३६ हजार १६७ शेतकऱ्यांचे आधार प्रमाणीकरण पूर्ण झाले होते. मात्र, माहिती अपलोड केलेल्या उर्वरित खातेदारांची स्थिती उपलब्ध नसल्याने शेतकऱ्यांमध्ये संभ्रम आहे. .काही गावांत मोजक्याच शेतकऱ्यांना लाभ मिळाल्याच्या तक्रारी आहेत. एकाच सहकारी संस्थेतील काही थकबाकीदारांना कर्जमाफी मिळाली, तर इतर सभासद प्रतीक्षेत आहेत. नियमित कर्जफेड करणाऱ्या शेतकऱ्यांना जाहीर केलेल्या ५० हजार रुपयांच्या प्रोत्साहनपर अनुदानाबाबतही अद्याप स्पष्टता नसल्याने शेतकऱ्यांमध्ये संताप आहे..Farm Loan Waiver: कर्जमुक्तीस पात्र-लाभार्थींमध्ये अजूनही मोठी तफावत.राज्य शासनाने २ जून २०२६ रोजी योजना जाहीर केली १ एप्रिल ते ३१ मार्च २०२५ या कालावधीत घेतलेले आणि ३० सप्टेंबर २०२५ पर्यंत थकीत असलेले पात्र अल्पमुदतीचे पीककर्ज दोन लाख रुपयांपर्यंत माफ करण्याची तरतूद आहे. पहिल्या टप्प्यात २८ जुलै रोजी ३५ हजार ८९०, दुसऱ्या टप्प्यात ११ सप्टेंबर रोजी ३ हजार ८०६, तर तिसऱ्या टप्प्यात १३ ऑक्टोबर रोजी ४ हजार ६९१ शेतकऱ्यांची नावे प्रसिद्ध झाली. एकूण २१ हजार ६१९ खातेदारांचा अद्याप या याद्यांत समावेश झालेला नाही. उर्वरित नावे पात्रतेनुसार पुढील यादीत येतील, असे जिल्हा उपनिबंधक कार्यालयाकडून सांगण्यात आले आहे..Farmer Loan Waiver: कर्जमाफीच्या तिसऱ्या टप्प्यातील लाभ वितरण सुरू.आधार प्रमाणीकरण अपूर्ण असलेल्या शेतकऱ्यांनी ते पूर्ण करावे,असे प्रशासनाने आवाहन केले आहे. मात्र,यादीतून वगळलेल्या प्रत्येक खात्याचे कारण लेखी द्यावे, बँकनिहाय व संस्थानिहाय स्थिती जाहीर करावी आणि प्रलंबित प्रकरणे निकाली काढण्यासाठी कालमर्यादा निश्चित करावी,अशी शेतकऱ्यांची मागणी आहे..एकाच संस्थेत लाभवाटपात तफावतकर्जमाफीची पात्र ठरलेल्या शेतकऱ्यांच्या संबंधित क्षत्रिय पातळीवर काही ठिकाणी माहिती जाणून घेण्याचा प्रयत्न केला असता आणि शेतकऱ्यांची नावे यादीत नाव आल्याने त्यांचा संताप समोर येत आहे. निफाड तालुक्यातील रुई विविध कार्यकारी सेवा सहकारी संस्थेतील १५० थकबाकीदारांपैकी केवळ ६० शेतकऱ्यांना कर्जमाफी मिळाल्याचे निवृत्ती चव्हाणके यांनी सांगितले. उर्वरित ९० सभासद प्रतीक्षेत आहेत. तर गंगापूर येथील सेंट्रल गोदावरी कृषक सेवा सहकारी संस्थेने लाभार्थ्यांची यादी प्रसिद्ध केली नसल्याचा आरोप शेतकरी नंदकुमार उगले यांनी केला. संस्थेला योजनेअंतर्गत ५ कोटी ९६ लाख रुपये मिळाल्याचा त्यांचा दावा असून,याप्रकरणी स्वतंत्र चौकशीची मागणी त्यांनी केली. धोडांबे संस्थेचे माजी अध्यक्ष नंदकुमार उशीर यांनीही नियमित कर्जफेड करणाऱ्यांना प्रोत्साहनपर अनुदान दिवाळीपूर्वी देण्याची मागणी केली..चौथ्या यादीची माहिती मिळेनाराज्य सरकारने कर्जमुक्ती योजनेची चौथी यादी जाहीर केली. मात्र जिल्ह्यातील या यादीच्या संदर्भाने कुठलीही माहिती स्पष्टपणे मिळत नसल्याची स्थिती आहे. याबाबत जिल्हा उपनिबंधक कार्यालय, जिल्हा अग्रणी बँक यांच्याकडे विचारणा केले असता तपशीलवार माहिती उपलब्ध नसल्याचे समोर आले आहे. तर जिल्हा बँकेकडून देण्यात आलेल्या माहितीनुसार, चौथ्या यादीत ७६४ प्रस्ताव असल्याची माहिती संबंधित अधिकाऱ्यांशी झालेल्या चर्चेतून समोर आली. मात्र, राष्ट्रीयकृत बँकेच्या संदर्भात काय स्थिती आहे? याबाबत कुठलीही माहिती अद्याप उपलब्ध करून देण्यात आलेली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
