Nashik News : जिल्ह्यातील मोठ्या ७ व मध्यम १९ अशा एकूण २६ धरण प्रकल्पांमधील पाणीसाठा ९८.६७ टक्क्यांवर गेला आहे. तर यापैकी १३ धरणे तुडुंब भरून ओव्हरफ्लो झाली आहेत. मागील वर्षी २९ सप्टेंबर रोजी जिल्ह्यातील धरणसाठा ९१.४८ टक्के होता. .यंदा सप्टेंबरअखेर तो ९८.६७ टक्क्यांवर आहे. यंदा पाणीसाठा ८ टक्के अधिक असून पाण्याचा येवा असल्याने मोठ्या प्रमाणावर विसर्गदेखील करण्यात येत आहे. सप्टेंबरअखेर अतिवृष्टीने हाहाकार केला आहे. पाणलोट क्षेत्रात जोरदार पाऊस सुरू असल्याने धरणांमध्ये पाण्याची पातळी झपाट्याने वाढली. .Dam Water Discharge : वाघूर, गिरणातून विसर्ग.२६ धरण प्रकल्पांतील संकल्पित पाणीसाठा ७०,६१९ तो ६९,६७९ इतका झाला आहे. ही टक्केवारी ९८.६७ टक्के इतकी आहे. एकूण २६ प्रकल्पांपैकी २३ धरणांतून विसर्ग सोडण्यात येत आहे. तर ३ धरणांतून विसर्ग बंद करण्यात आला आहे..पश्चिम पट्ट्यात घाटमाथ्यावर पावसाची संततधार सुरू आहे. त्यामुळे प्रामुख्याने इगतपुरी, त्रंबकेश्वर, पेठ, सुरगाणा व नाशिक या तालुक्यांसह सटाणा व कळवण या तालुक्यांतील धरणांमध्ये पाण्याची पातळी वाढत आहे. त्यामुळे तीन दिवसांपासून टप्प्याटप्प्याने निसर्गात वाढ होत आहे..Dam Water Discharge : जायकवाडी धरणातून गोदावरीत सव्वादोन लाख क्युसेकने विसर्ग.यंदा पावसामुळे गंगापूर, पालखेड व गिरणा अशा तीनही धरण समूहांमध्ये समाधानकारक पाणीसाठा आहे. दारणा धरणातून ९,५५२ क्युसेक विसर्ग दारणा नदीपात्रात सुरू आहे. गंगापूर धरणातून ९८.८५ टक्के आहे. तो ५,५६५ दलघफू इतका आहे. तर गिरणा खोरे धरण समूहातील चणकापूर, हरणबारी, केळझर या धरणातून विसर्ग गिरणा व मोसम नदीत सोडल्याने गिरणा धरणातून ५४,४७२ सर्वाधिक विसर्ग करण्यात येत आहे..सर्वच धरणांमध्ये सध्या ८३ टक्क्यांवर पाणीसाठा आहे. आळंदी, करंजवन, वाघाड, ओझरखेड, तिसगाव, भावली, वालदेवी, भाम, हरणबारी, नागासाक्या, गिरणा, माणिकपुंज ही ११ धरणे १०० टक्के भरली आहेत. मागील वर्षी नागासाक्या धरण कोरडे होते. यंदा ते १०० टक्के भरले आहे. विसर्गामुळे नदीकाठच्या पिकांचे मोठ्या प्रमाणावर नुकसान आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
