Rainfall Deficit: खरीप हंगाम २०२६ मध्ये पावसाअभावी निर्माण झालेल्या परिस्थितीचा विचार करून नाशिक जिल्ह्यातील १० तालुक्यांत प्रथम कळ (ट्रिगर-१) लागू करण्यात आला आहे. या तालुक्यांतील दुष्काळसदृश परिस्थितीमुळे बाधित शेतकरी आणि नागरिकांना दिलासा देण्यासाठी राज्य शासनाने विविध सवलती आणि उपाययोजना लागू करण्याचा निर्णय घेतला आहे. या सवलती पात्र शेतकरी आणि नागरिकांना तत्परतेने मिळवून देण्यासाठी संबंधित यंत्रणांनी कार्यवाही करावी, अशा सूचना जलसंपदा, आपत्ती व्यवस्थापन तथा जिल्ह्याचे पालकमंत्री गिरीश महाजन यांनी दिल्या..जिल्ह्यातील मालेगाव, बागलाण, कळवण, नांदगाव, सुरगाणा, इगतपुरी, पेठ, सिन्नर, येवला आणि देवळा या १० तालुक्यांचा ट्रिगर-१ लागू झालेल्या तालुक्यांमध्ये समावेश आहे. शासन निर्णयानुसार या तालुक्यांतील पात्र शेतकरी आणि नागरिकांना जमीन महसुलात सूट, पीक कर्जाचे पुनर्गठन आणि शेतीशी निगडित कर्जाच्या वसुलीस स्थगिती यासह विविध सवलतींचा लाभ मिळणार आहे. कृषिपंपांच्या चालू वीजबिलात सवलत तसेच शाळा आणि महाविद्यालयीन विद्यार्थ्यांच्या परीक्षा शुल्कात माफी देण्याची तरतूदही करण्यात आली आहे..Pending Works: प्रलंबित कामे तातडीने पूर्ण करा : खासदार डॉ. कल्याण काळे .दुष्काळसदृश परिस्थितीच्या पार्श्वभूमीवर महात्मा गांधी राष्ट्रीय ग्रामीण रोजगार हमी योजनेच्या कामांच्या निकषांत शिथिलता आणून अधिकाधिक कामे सुरू करणे, आवश्यक ठिकाणी पिण्याच्या पाण्यासाठी टँकरचा वापर करणे, टंचाई जाहीर केलेल्या गावांमध्ये शेतकऱ्यांच्या कृषिपंपांची वीजजोडणी खंडित न करणे, तसेच शेतकरी आणि शेतमजुरांना अन्नधान्याची उपलब्धता सुनिश्चित करण्याच्या उपाययोजना करण्यात येणार आहेत. .जनावरांसाठी आवश्यक चारा उपलब्ध करून देणे, जलसंधारणाची कामे सुरू करणे तसेच पिण्याचे पाणी आणि जनावरांच्या पाण्याचे नियोजन करण्याचे निर्देशही शासनाने दिले आहेत. दुष्काळसदृश परिस्थितीमुळे शेतकऱ्यांना निर्माण होणाऱ्या अडचणी लक्षात घेता शासनाच्या विविध सवलतींचा लाभ पात्र लाभार्थ्यांपर्यंत तातडीने पोहोचविण्यासाठी संबंधित यंत्रणांनी समन्वयाने कार्यवाही करावी. शेतकरी आणि नागरिकांना आवश्यक सुविधा उपलब्ध करून देण्यासाठी प्रशासनाने तत्परतेने कार्यवाही करावी, असे निर्देश पालकमंत्री महाजन यांनी दिले..Drought Management: दुष्काळातून आपण कधी शिकणार?.पिकांच्या नुकसानीबाबत पंचनाम्याची कार्यवाही तातडीने सुरू करून सर्वेक्षण केलेल्या क्षेत्रातील पिकांची सद्यःस्थिती दर्शविणारी छायाचित्रे आणि जीपीएस कोऑर्डिनेट संकलित करून अहवाल शासनाला सादर करण्याचे निर्देश देण्यात आले आहेत. पिकांच्या नुकसानीबाबतची मदत विहित कार्यपद्धतीची पूर्तता झाल्यानंतर स्वतंत्र शासन निर्णयाद्वारे जाहीर करण्यात येणार आहे..दुष्काळसदृश परिस्थितीत मिळणाऱ्या प्रमुख सवलतीजमीन महसूल वसुलीस सूटपीक कर्जाचे पुनर्गठनशेतीशी निगडित कर्जाच्या वसुलीस स्थगितीकृषिपंपांच्या चालू वीजबिलात सवलत.शाळा-महाविद्यालयीन विद्यार्थ्यांच्या परीक्षा शुल्कात माफीरोहयोच्या कामांच्या निकषांत शिथिलताआवश्यकतेनुसार पिण्याच्या पाण्यासाठी टँकरकृषिपंपांची वीजजोडणी खंडित न करणेशेतकरी व शेतमजुरांना अन्नधान्याची उपलब्धताजनावरांसाठी चारा उपलब्ध करून देणेजलसंधारणाची कामे प्राधान्याने सुरू करणे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
