Rural Empowerment: राज्यातील महिला शेतकऱ्यांचे हक्क व अधिकार सुरक्षित करण्यासाठी राज्य शासनाने तयार केलेला धोरणात्मक मसुदा अंतिम टप्प्यात पोहोचला आहे. या बाबत सर्वसमावेशक अभिप्राय मिळवण्यासाठी रविवारी (ता. १०) सकाळी दहा वाजता वनामती येथे चर्चासत्राचे आयोजन करण्यात आले आहे..या चर्चासत्रांत महिला शेतकरी, कृषी व महसूल विभागातील अधिकारी तसेच नागरी संस्थांतील तज्ज्ञांचा सहभाग असणार आहे. मसुद्यात ‘शेती’ आणि ‘शेतकरी’ यांच्या व्याख्या अधिक व्यापक करण्यात आल्या असून भूमिहीन व पूरक उपजीविकांनाही त्यात स्थान देण्यात आले आहे. ‘महिला शेतकरी प्रमाणपत्र’ देण्याची तरतूद करून संबंधित महिलांना शासनाच्या विविध योजनांचा थेट लाभ मिळवून देण्यावर भर देण्यात आला आहे. .Women Farmers Policy: ... शेती धोरणात ‘ती’ कोठेच नाही.ग्रामसभा व महिला-बालकल्याण समित्यांमार्फत ही प्रक्रिया राबविण्यात येणार आहे. महिला शेतकरी गटांना प्रोत्साहन, कर्जसुविधा सुलभ करणे, बाजारपेठेपर्यंत पोहोच वाढवणे तसेच ‘महिला शेतकरी कृषी विकास निधी’ स्थापन करण्याचाही प्रस्ताव आहे..Farmer ID Registration: अमरावतीत ९५ हजार शेतकऱ्यांचा फार्मर आयडीला खो.अंमलबजावणीसाठी ‘जेंडर रिसोर्स सेल’ व राज्यस्तरीय नियंत्रण समितीची स्थापना करून देखरेख मजबूत करण्याची योजना आहे. या चर्चासत्रांत मांडलेल्या प्रश्नांवर आधारित सूचना व अभिप्रायांच्या आधारे अंतिम धोरण अधिक प्रभावी करण्याचा शासनाचा प्रयत्न असणार असल्याचे सूत्रांनी सांगितले..पहिल्यांदाच धोरणासाठी चर्चासत्रया संदर्भात सर्वसमावेशक अभिप्राय मिळवण्यासाठी राज्यात केवळ तीन ठिकाणी या चर्चासत्राचे आयोजन करण्यात आले आहे. यात पुणे येथे चर्चासत्र पार पडले असून बुधवारी (ता. छत्रपती संभाजीनगर) येथे तर रविवारी नागपूर (वनामती) येथे होणार आहे. राज्यात पहिल्यांदाच धोरणासाठी असे चर्चासत्र होत असल्याची माहिती कृषी विभागाच्या वतीने देण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
