Nanded News: प्रादेशिक हवामानशास्त्र केंद्र, मुंबई यांनी सोमवारी (ता. २५) दिलेल्या इशाऱ्यानुसार नांदेड जिल्ह्यात २५, २६ व २८ ऑगस्ट या तीन दिवसांसाठी ‘येलो अलर्ट’ जारी केला आहे. या काळात जिल्ह्यातील काही ठिकाणी ताशी ३० ते ४० किमी वेगाने वादळी वारे वाहण्याची शक्यता वर्तविण्यात आली आहे. .हवामान विभागाने दिलेल्या इशाऱ्यामुळे शेतकरी पुन्हा धास्तावले आहेत. या पावसामुळे नुकसान वाढण्याची भीती शेतकरी व्यक्त करीत आहेत.नांदेड जिल्ह्यात १५ ऑगस्टनंतर सलग आठ दिवस पाऊस झाला. हा पाऊस जिल्ह्यातील मुखेड, किनवट, माहूर, अर्धापूर, हदगाव, कंधार, लोहा, देगलूर या तालुक्यांत सर्वाधिक झाला..Nanded Weather : नांदेडला थंडीचा कडाका वाढला.या पावसामुळे पूरस्थिती उद्भवून जिल्ह्यात अनेक ठिकाणी पिके पाण्याखाली गेली होती. परिणामी जिल्ह्यात दोन लाख ८५ हजार हेक्टरवरील पिकांचे नुकसान झाले होते. यानंतर मागील चार दिवसांपासून पावसाने उघडीप दिल्यामुळे शेतकरी कामाला लागले होते. .Wet Drought Nanded : नांदेड जिल्ह्यात ओला दुष्काळ जाहीर करा .परंतु प्रादेशिक हवामानशास्त्र केंद्र, मुंबई यांनी सोमवारी (ता. २५) दिलेल्या इशाऱ्यानुसार नांदेड जिल्ह्यात २५, २६ व २८ ऑगस्ट या तीन दिवसांसाठी ‘येलो अलर्ट’ जारी केला आहे. यामुळे शेतकरी पुन्हा एकदा धास्तावले आहेत. हवामान खात्याने दिलेल्या इशाऱ्याच्या पार्श्वभूमीवर जिल्हा प्रशासनाने सर्व संबंधित यंत्रणांना दक्ष राहण्याचे निर्देश दिले असून, नागरिकांनीही खबरदारी घेण्याचे आवाहन केले आहे. .खबरदारीचे उपाय विजांचा कडकडाट सुरू असताना मोकळ्या जागेत उभे राहू नये. मोठ्या झाडाखाली, विद्युत खांबाजवळ थांबणे टाळावे. शेतीकाम किंवा प्रवास करताना हवामानाचा अंदाज लक्षात घेऊनच बाहेर पडावे. वीज उपकरणांचा वापर काळजीपूर्वक करावा. ही नैसर्गिक आपत्ती लक्षात घेता प्रत्येकाने दक्षता घेणे अत्यंत गरजेचे आहे. सुरक्षित राहा, सावध राहा हा संदेश देत प्रशासनाने जनतेला दक्षतेचे आवाहन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
