Nanded News : नांदेड विभागात गाळप हंगाम २०२५-२०२६ मध्ये चार जिल्ह्यात एक लाख ८१ हजार ७०९ हेक्टरवरील ऊस गाळपासाठी उपलब्ध होणार आहे. आगामी हंगामासाठी विभागात खासगी व सहकारी साखर कारखान्यांनी गाळप परवानासाठी ऑनलाइन नोंदणी सुरु असल्याची माहिती नांदेड प्रादेशिक सहसंचालक (साखर) कार्यालयाकडून मिळाली..नांदेड प्रादेशिक सहसंचालक (साखर) विभागात गाळप हंगाम २०२५-२०२६ मध्ये नांदेड, लातूर, परभणी व हिंगोली जिल्ह्यातील अंदाजित ३० ते ३५ साखर कारखाने आगामी गाळप हंगामात सुरु होण्याची शक्यता आहे. यात खासगी व सहकारी साखर कारखान्यांचा समावेश असले. विभागात नोव्हेंबर महिन्यात गाळप हंगाम सुरु होण्याची शक्यता आहे..Sugarcane Cultivation : सततच्या पावसाने ऊस पीक धोक्यात.यासाठी विभागात गाळपासाठी उपलब्ध होणाऱ्या उसाचे क्षेत्र कारखाना आणि कृषी विभागाने संयुक्तरित्या निश्चित केला आहे. विभागात आगामी हंगामात गाळपासाठी शेतकऱ्यांनी कारखान्यांकडे तीन लाख २७ हजार ७९३ हेक्टर क्षेत्राची नोंद केली आहे. तर कृषी विभागाने एक लाख ३० हजार ७९२ हेक्टरवर ऊस लागवडीचा अंदाज व्यक्त केला आहे..तर कृषी विभाग आणि साखर सहसंचालक कार्यालयाने संयुक्तरित्या एक लाख ८१ हजार ७०९ हेक्टरवर ऊस लागवड निश्चित केली आहे. विभागात नांदेड व हिंगोली जिल्ह्याची उसाची उत्पादकता हेक्टरी ७५ टन, परभणी जिल्ह्याची ७० टन तर लातूर जिल्ह्याची उत्पादकता ८० टन आहे..Sugarcane Cultivation: पूर्वहंगामी ऊस लागवड तंत्र.उत्पादन घटीचा अंदाजपुरामुळे यामुळे उसाच्या वाढीवर यंदा विपरीत परिणाम दिसून येत आहे. अनेक ठिकाणी लोकरी मावावर प्रार्दुभाव झाला आहे. परिणामी नांदेड विभागात गाळप हंगाम २०२५-२०२६ मध्ये उत्पादन घटण्याचा अंदाज आहे..एक कोटी ३७ लाख टन गाळपाचा अंदाजनांदेड विभागातील लातूर, हिंगोली, नांदेड व परभणी या जिल्ह्यातून आगामी हंगामात एकूण एक कोटी ३७ लाख ६३ हजार १७५ टन उसाचे गाळप होईल, असा अंदाज प्रादेशिक सहसंचालक (साखर) कार्यालयाने व्यक्त केला आहे. यात नांदेड जिल्ह्यात २७ लाख टन, हिंगोली जिल्ह्यात १४ लाख ३ हजार १७५ टन, परभणी जिल्ह्यात ३ लाख ५० हजार टन तर लातूर जिल्ह्यात ६१ लाख ६० हजार टन उसाचे गाळप होईल, असा अंदाज आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
