Nanded News: प्रादेशिक सहसंचालक (साखर) कार्यालय, नांदेड अंतर्गत येणाऱ्या नांदेड, परभणी, हिंगोली व लातूर जिल्ह्यांतील साखर कारखान्यांचा गाळप हंगाम २०२५-२६ वेगात सुरू आहे. २५ फेब्रुवारी २०२६ अखेर विभागात एकूण १ कोटी १६ लाख ८९ हजार ७९२ टन ऊस गाळप पूर्ण झाले आहे. यापासून १ कोटी ९ लाख ३ हजार २७८ क्विंटल साखर उत्पादन झाले आहे. विभागाचा सरासरी साखर उतारा ९.३३ टक्के नोंदविण्यात आल्याची माहिती प्रादेशिक सहसंचालक (साखर)कार्यालयातून मिळाली..नांदेड विभागात यंदा एकूण ३० साखर कारखान्यांनी गाळप हंगाम सुरु केला. यात १० सहकारी तर २० खासगी कारखान्यांचा समावेश आहे. गाळप आणि साखर उत्पादनात खासगी कारखान्यांचा वाटा लक्षणीय आहे. सध्या हिंगोली जिल्ह्यातील श्री तुळजाभवानी शुगर प्रा. लि. (सहयोगी टोकाई ससाका लि.) कुरुंदा, (ता. वसमतनगर) या कारखान्यांचा हंगाम ता. १६ फेब्रुवारी रोजी आटोपला आहे. तर इतर २९ कारखाने मात्र अद्याप सुरु आहेत. विभागात लातूर जिल्हा गाळपात आघाडीवर आहे. येथे १२ कारखान्यांमार्फत ४८ लाख ६३ हजार ३९६ टन ऊस गाळप झाले आहे. त्यापासून ४५ लाख ४१ हजार ९४२ क्विंटल साखर उत्पादित झाली आहे..Sugar Crushing Season: पंधरा साखर कारखान्यांचा गाळप हंगाम समाप्त.तर सरासरी उतारा ९.३४ टक्के आहे. परभणी जिल्ह्यातील ७ खासगी कारखान्यांनी मिळून ३१ लाख ५२ हजार ५२५ टन ऊस गाळपाकरीता २८ लाख ४९ हजार ३११ क्विंटल साखर उत्पादन केले आहे. जिल्ह्याचा सरासरी उतारा ९.०४ टक्के आहे. नांदेड जिल्ह्यातील ६ कारखान्यांनी २० लाख ६३ हजार ३०४ टन ऊस गाळप केले आहे. तर १९ लाख ७७ हजार २२५ क्विंटल साखर उत्पादन झाले आहे. येथे सरासरी उतारा ९.५८ टक्के नोंदविण्यात आला आहे. हिंगोली जिल्ह्यातील ५ कारखान्यांनी १६ लाख १० हजार ५६७ टन ऊस गाळप पूर्ण केले असून १५ लाख ३४ हजार ८०० क्विंटल साखर उत्पादन झाले आहे. जिल्ह्याचा सरासरी उतारा ९.५३ टक्के आहे..Sugarcane Crushing Season: सांगलीतील नऊ कारखान्यांचा ऊस गाळप हंगाम आटोपला.यंदा काही कारखान्यांनी बी-हेवी, सिरप व ज्यूस इथेनॉल निर्मितीकडे वळविल्यामुळे साखर उताऱ्यात किंचित घट झाल्याचेही अहवालात नमूद करण्यात आले आहे. तरीही गाळप हंगाम सुरळीत सुरू असून, पुढील काही आठवड्यांत उत्पादनात आणखी वाढ अपेक्षित आहे..कारखानिहाय ऊस गाळप व साखर उत्पादन(गाळप टनांत साखर उत्पादन क्विंटलमध्ये)जिल्हा कारखाने ऊस गाळप साखर उत्पादननांदेड सहा २०,६३,३०४ १९,७७,२२५लातूर १२ ४८,६३,३९६ ४५,४१,९४२परभणी सात ३१,५२,५२५ २८,४९,३११हिंगोली पाच १६,१०,५६७ १५,३४,८००एकूण ३० ०१,१६,८९,७९२ ०१,०९,०३.२७८विभागाचा सरासरी साखर उतारा : ९.३३ टक्के.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
