Buldana News : मागील काही दिवसांत संततधार पावसामुळे नळगंगा धरणाच्या जलसाठ्यात झपाट्याने वाढ झाली आहे. गुरुवारी (ता. १८) सकाळी आठपर्यंत प्रकल्पात ४८.०३ दलघमी इतका पाणीसाठा झाला असून, त्याची टक्केवारी ६९.२९ इतकी आहे. त्यामुळे शेकडो गावांची तहान भागणार असून, परिसरातील शेतकऱ्यांना सिंचनासाठी मदत होणार आहे..मोताळा तालुक्यातील नळगंगा धरणाचा जिल्ह्यातील मोठ्या प्रकल्पात समावेश आहे. या धरणातून मोताळा, मलकापूर व नांदुरा तालुक्यातील शेकडो गावांतील नागरिकांची तहान भागविली जाते. या बरोबरच परिसरातील शेकडो हेक्टर शेतीला सिंचनासाठी फायदा मिळतो. .Water Storage : उपयुक्त पाणीसाठा ८० टक्क्यांवर.नळगंगा धरणातील जलाशयाची पूर्ण संचय पातळी २९४.४४ मीटर आहे. या धरणाची लेवल ६६ फूट असून, हा प्रकल्प शंभर टक्के भरल्यानंतर यातील उपयुक्त जलसाठा ६९.३२ दलघमी इतका असतो. तालुक्यातील पलढग या मध्यम प्रकल्पाची उपयुक्त जलसाठा क्षमता ७.५१ दलघमी आहे. पंधरा दिवसांपूर्वी पलढग प्रकल्प ओव्हरफ्लो झाला आहे. .सध्या या प्रकल्पाच्या सांडव्यातून २६.९४ क्युमेक पाण्याचा विसर्ग सुरू आहे. परंतु, भविष्यातील पाणीटंचाई निवारण्यासाठी नळगंगा या मोठ्या प्रकल्पाकडे सर्वांच्या नजरा लागलेल्या होत्या. १९ ऑगस्ट रोजी नळगंगा प्रकल्पात ५१.७९ टक्के पाणीसाठा होता..Dam Water Storage: ‘वाघूर’ सलग सातव्या वर्षी १०० टक्के भरले.त्यापूर्वी २९ जुलै रोजी ४६.०८ टक्के इतका जलसाठा होता. गेल्या चार ते पाच दिवसांत परिसरात संततधार पाऊस झाला. त्यामुळे गुरुवारी सकाळी नळगंगा धरणात ४८.०३ दलघमी उपयुक्त जलसाठा जमा झाला आहे..तो ६९.२९ टक्के आहे. पुढील दोन-तीन दिवस पावसाचा अंदाज वर्तवण्यात आला आहे. त्यामुळे धरणाच्या पाणीपातळीत आणखी वाढ होण्याची शक्यता आहे, अशी माहिती नळगंगा प्रकल्पाचे शाखाधिकारी प्रतीक भोये यांनी दिली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
