Farmer Debt Relief: शेतकऱ्यांची सरसकट कर्जमुक्ती करून सातबारा कोरा करण्याच्या मागणीसाठी विदर्भ राज्य आंदोलन समिती आक्रमक झाली आहे. व्हेरायटी चौकात शासन निर्णयाची होळी करत आंदोलकांनी जोरदार घोषणाबाजी केली. दरम्यान, बस रोखून रस्ता रोको करण्याचा प्रयत्न झाल्याने काही काळ तणावाचे वातावरण निर्माण झाले..राज्य शासनाने २ जून रोजी जाहीर केलेली ‘पुण्यश्लोक अहिल्यादेवी होळकर शेतकरी कर्जमुक्ती योजना’ ही शेतकऱ्यांची दिशाभूल करणारी असल्याचा आरोप करीत विदर्भ राज्य आंदोलन समितीच्या कार्यकर्त्यांनी आंदोलन छेडले. आंदोलनस्थळी शासन निर्णयाची प्रत जाळून निषेध व्यक्त करण्यात आला..Farmer Protest: कर्जमाफीच्या निकषांविरोधात भोकरदनमध्ये विहिरीत खाट टाकून आंदोलन.यानंतर काही आंदोलकांनी धावती बस थांबवून रस्ता रोको करण्याचा प्रयत्न केल्याने वाहतूक काही काळ विस्कळीत झाली. पोलिसांनी तातडीने हस्तक्षेप करून प्रमुख कार्यकर्ते तारेश दुरुगकर आणि विलास सूर्यवंशी यांना ताब्यात घेतले..Loan Waiver Protest: शेतकरी संघटनेकडून फसव्या कर्जमुक्तीची होळी .तासाभरानंतर त्यांची सुटका करण्यात आली. आंदोलकांच्या मते, शासन निर्णयाच्या प्रस्तावनेत शेतकऱ्यांच्या थकीत कर्जाच्या दुष्टचक्राचा उल्लेख असला तरी प्रत्यक्ष योजनेत कर्जबाजारी शेतकऱ्यांना कोणताही ठोस दिलासा मिळत नाही..सरकार अन्नदात्यांच्या कर्जमुक्तीबाबत उदासीन असल्याचा आरोप करत ‘सातबारा कोरा झालाच पाहिजे’ अशा घोषणांनी परिसर दणाणून सोडला. शेतकऱ्यांच्या मागण्या तातडीने मान्य न झाल्यास संपूर्ण विदर्भात तीव्र आंदोलन उभारण्याचा इशारा विदर्भ राज्य आंदोलन समितीने दिला. आंदोलनात पूर्व विदर्भ अध्यक्ष अरुण केदार, युवा आघाडीचे प्रांताध्यक्ष मुकेश मासुरकर, सुनील चोखारे, प्रशांत नखाते, नरेश निमजे यांच्यासह विदर्भवादी कार्यकर्ते सहभागी झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
