Lasalgaon APMC Onion Rates and Market: गत हंगामात रब्बी कांद्याच्या उत्पादनात तूट असल्याने उन्हाळ कांद्याची आवक कमी झाली होती. परिणामी, गेल्या महिन्यात दरात सुधारणा झाली. मात्र, ऑक्टोबरच्या पहिल्या आठवड्यापासून कर्नाटक, आंध्र प्रदेश आणि तेलंगणातून नवीन खरीप कांद्याची आवक वाढल्याने उन्हाळ कांद्याच्या दरावर दबाव निर्माण झाला आहे..जिल्ह्यात गेल्या सप्ताहापासून कांद्याच्या सरासरी दरात मालाच्या प्रतवारीनुसार क्विंटलमागे ७०० ते १००० रुपयांपर्यंत घसरण दिसून आली आहे. त्यामुळे शेतकऱ्यांनी दराच्या अपेक्षेने साठवलेल्या उन्हाळ कांद्याच्या दरातही नरमाई आली आहे..Onion Cultivation: कांदा लागवडी निम्म्यावर.व्यापाऱ्यांनी दिलेल्या माहितीनुसार, दक्षिण भारतातील कर्नूल, हैदराबाद या पारंपरिक कांदा पट्ट्यांसह यंदा बेळगाव ते चित्रदुर्ग परिसरातूनही नवीन खरीप कांद्याची आवक बाजारात होत आहे. नवीन कांद्याची गुणवत्ता आणि तुलनेने कमी दर यामुळे निर्यातदार तसेच व्यापाऱ्यांचे लक्ष या कांद्याकडे वळले आहे. त्याचा परिणाम साठवणुकीतील उन्हाळ कांद्याच्या मागणीवर झाला आहे. नवीन कांद्याची आवक वाढत असताना आयात कांद्याचीही बाजारात उपलब्धता वाढण्याची शक्यता वर्तविली जात आहे..Onion Seed Price Hike : कांदा बियाणे दराने शेतकऱ्यांना झटका.लासलगाव बाजार समितीत १ ऑक्टोबर रोजी सरासरी दर ४ हजार रुपये प्रति क्विंटल होता. तो ८ ऑक्टोबर रोजी ३ हजार २०० रुपयांवर आला. सोलापूर बाजारात लाल कांद्याची आवक सुरू झाली असून, सरासरी दर सुमारे २ हजार ६०० रुपये मिळाला..भारतीय कांद्यालाच पसंतीमुंबईसह काही मोठ्या बाजारपेठांमध्ये इजिप्तचा कांदा दाखल होत असला, तरी देशी कांद्याच्या तुलनेत त्याला ग्राहकांची अपेक्षित पसंती मिळत नसल्याचे व्यापाऱ्यांचे म्हणणे आहे. देशी कांद्याची चव, टिकवणक्षमता आणि स्वयंपाकातील उपयोग यामुळे देशांतर्गत मागणी कायम राहण्याची शक्यता आहे. त्यामुळे नवीन खरीप कांद्याची आवक, साठवणुकीतील उन्हाळ कांद्याचा पुरवठा आणि निर्यातीची स्थिती यावर आगामी काळातील दराची दिशा अवलंबून राहणार आहे, अशी माहिती कांदा व्यापारी व निर्यातदार मनोज जैन यांनी दिली..जिल्ह्यातील दरस्थितीबाजार समिती किमान कमाल सरासरी(दर रुपये)पिंपळगाव बसवंत २०० ५७८० ३७५०लासलगाव १००० ४२०० ३२५०मुंगसे(मालेगाव) १००० ३६८५ ३३००येवला ८०० ३८५१ ३१५१कळवण १००० ४७०५ ३५००चांदवड १००० ४२५० ३२७०देवळा १००० .४११० ३३८०नामपूर ४४५ ३५०५ ३०००.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
