Agriculture Crisis: फळांची संख्या कमी राहिली आणि त्यातही फळांची वाढ झाली नाही. त्यामुळे गंगापूर तालुक्यातील अगरवाडगाव येथील शेतकरी सोमनाथ सुखधान यांनी आपल्या खरबूज पिकात मेंढ्या चराईसाठी सोडल्या..अगरवाडगाव, धनगरपट्टी, भेंडाळा शिवार हा टरबूज-खरबूज लागवडीचा मुख्य पट्टा मानला जातो. उन्हाळ्यात या भागात मोठ्या प्रमाणात फळपिकांची लागवड केली जाते. मात्र यंदा अवकाळी पाऊस, हवामानातील बदल किंवा बियाण्यांतील दोषामुळे टरबूज व खरबूज फळांच्या गुणवत्तेवर परिणाम झाला. वेलींवर अपेक्षित फळधारणा झाली नाही; काही ठिकाणी झाली तरी फळांची साईज वाढली नाही..Onion Farmer Crisis: कांदा पिकामध्ये सोडल्या मेंढ्या.परिणामी, शेतकऱ्यांचा उत्पादन खर्चही निघेनासा झाला असून खरबूज उत्पादक शेतकरी मोठ्या आर्थिक अडचणीत सापडले आहेत. गोदावरी व शिवना नदीकाठच्या परिसरात शेतकरी उन्हाळ्यात मोठ्या प्रमाणावर टरबूज व खरबूज लागवड करतात. यंदा कायगाव, भेंडाळा, धनगरपट्टी, भिवधानोरा, पखोरा, गलनिंब आदी शिवारांतील गंगथडी भागात शेतकऱ्यांनी मोठ्या प्रमाणावर टरबूज-खरबूजची लागवड केली होती..Heatwave Crop Damage: उन्हाचा पारा ४१ अंश सेल्सिअसवर; पिकांना मोठा फटका.यंदा खरबूजाच्या वेलींवर फळांची संख्या कमी राहिली. त्यातही फळांची साईज वाढली नाही. त्यामुळे यावर्षीची खरबूज वाडी तोट्यात गेली आहे. खर्चही निघाला नाही. माझ्यासह असंख्य शेतकरी अडचणीत आले आहेत.अख्तर पठाण, शेतकरी, धनगरपट्टी.मी दोन एकर शेती ठोक्याने घेऊन मल्चिंग पेपरवर खरबूज लागवड केली. यासाठी सुमारे ८० हजार रुपये खर्च आला; मात्र केवळ ११ हजार रुपयांचे उत्पादन मिळाले. तब्बल ६९ हजार रुपयांचा तोटा झाला. दिवसेंदिवस शेती तोट्यात जात असल्याने आर्थिक गणित कोलमडत आहे.”सोमनाथ सुखधान, अगरवाडगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.