Market Scam: स्थानिक कृषी उत्पन्न बाजार समितीत शेतीमालाची खरेदी करून अडत्यांचे आणि शेतकऱ्यांचे कोट्यवधी रुपये थकवल्याचा धक्कादायक प्रकार समोर आला आहे. सुमारे १ कोटी ८८ लाख रुपयांचा हा व्यवहार असून, याप्रकरणी पोलिसांनी एका खरेदीदाराला अटक केली आहे. या घोटाळ्यामुळे अडते, शेतकरी, हमाल आणि बाजार समितीचे मोठे आर्थिक नुकसान झाले असून संपूर्ण बाजार क्षेत्रात खळबळ उडाली आहे..खरेदीदाराने बाजार समितीमध्ये अडत्यांमार्फत मोठ्या प्रमाणावर शेतीमालाची खरेदी केली होती. नियमानुसार खरेदी केलेल्या मालाचे पैसे अडत्यांना ८ दिवसात देणे अपेक्षित असताना, अग्रवाल याने ९० टक्के रकमा थकवल्या. अडत्यांनी आपल्या स्तरावर शेतकऱ्यांना चुकारे दिले असले, तरी खरेदीदाराकडून पैसे न मिळाल्याने २४ हून अधिक अडते आर्थिक अडचणीत सापडले आहेत. या व्यवहारापोटी बाजार समितीचा सुमारे साडेबारा लाख रुपयांचा सेस (शुल्क) देखील बुडवण्यात आला आहे..Mumbai APMC Scam : मुंबई बाजार समितीमधील रस्ते काँक्रीट निविदा घोटाळा.पोलिस कारवाई आणि अटक सत्रफसवणुकीची व्याप्ती लक्षात घेता, मूर्तिजापूर पोलिसांनी अलका सुनील अग्रवाल, सुनील ब्रिजमोहन अग्रवाल, केवल सुनील अग्रवाल आणि सलोनी केवल अग्रवाल (पचेरिवाल) यांच्या विरोधात गुन्हे दाखल केले आहेत.यापैकी केवल सुनील अग्रवाल याला पोलिसांनी ताब्यात घेतले असून, न्यायालयाने त्याला ४ एप्रिलपर्यंत पोलीस कोठडी सुनावली आहे..Achalpur APMC Scam: अचलपूर समितीत कोट्यवधीचा बांधकाम घोटाळा .आर्थिक गुन्हे शाखेचे उपविभागीय अधिकारी अनिल जुमळे या प्रकरणाचा सखोल तपास करत आहेत. तक्रारदारांच्या वतीने ॲड. सचिन वानखडे यांनी न्यायालयात युक्तिवाद केला..बाजार समितीचा सेस थकलाबाजार समितीचे सचिव रितेश मडगे यांनी दिलेल्या माहितीनुसार, संबंधित खरेदीदाराने साडेबारा लाखांचा सेस थकविला आहे. बाजार समितीने अग्रवाल यांची ३ लाख रुपयांची बँक गॅरंटी सेस म्हणून वळती करून घेतली असली, तरी अद्याप मोठी रक्कम येणे बाकी आहे. काही बारदाना बाजार समितीच्या आवारात पडून आहे, .मात्र मुख्य रकमा अद्याप मिळालेल्या नाहीत. केवळ अडतेच नव्हे, तर या व्यवहारांशी संबंधित हमाल आणि मापारी यांचेही पैसे या खरेदीदाराने दिलेले नाहीत. मुख्य आरोपी अद्याप फरार असून पोलिसांनी त्यांच्या मुसक्या आवळाव्यात, अशी मागणी फसवणूक झालेल्या व्यावसायिकांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
