Maharashtra Agri News: बार्शी तालुक्यातील मुंगशी आणि परिसरातील गावांमध्ये शुक्रवारी (ता. १७) सायंकाळी झालेल्या वादळी पावसाने शेतकऱ्यांच्या हाता-तोंडाशी आलेला घास हिरावून नेला आहे. मुंगशीसह दहिटणे, सासुरे, राळेरास, तडवळे, यावली आणि इर्लेवाडी परिसरात वादळी वाऱ्यासह झालेल्या जोरदार पावसामुळे बेदाणा उत्पादक शेतकऱ्यांचे मोठे नुकसान झाले आहे. मुंगशी येथे एकाच शेतकऱ्याचे सुमारे ७ ते ८ टन बेदाणे पावसात भिजून चिखल झाल्याने शेतकरी हवालदिल झाले आहेत..शुक्रवारी सायंकाळी अचानक आलेल्या वादळाने जनजीवन विस्कळीत केले. यात अनेकांच्या घरांवरील पत्रे उडाली, मात्र सर्वाधिक फटका द्राक्ष उत्पादकांना बसला आहे. मुंगशी येथील शेतकरी अर्जुन श्रीपती क्षीरसागर यांनी दोन दिवसांपूर्वीच आपला द्राक्ष माल जालिंदर राऊत यांच्या बेदाणा शेडवर वाळवणीसाठी टाकला होता..Raisin Season: बेदाणा हंगाम अंतिम टप्प्याकडे.मात्र, वादळी वाऱ्याच्या तडाख्याने शेडवरील शेडनेट आणि प्लास्टिक कागद उडून गेले. त्यामुळे पावसात भिजून अंदाजे ७ ते ८ टन बेदाण्याचा अक्षरशः चिखल झाला. वर्षभर पोटच्या लेकरांप्रमाणे सांभाळलेली द्राक्षबाग, त्यासाठी केलेला महागडी औषधे, खते व मजुरीचा मोठा खर्च या अस्मानी संकटामुळे एका क्षणात मातीत मिसळला आहे..Crop Damage Compensation: मार्चमधील नुकसानीपोटी २५ कोटी भरपाईचा प्रस्ताव.अजूनही काही शेतकऱ्यांचा माल शेडवर आहे, तर काही पीक बागेतच आहे. या नुकसानीमुळे आता कर्ज कसे फेडायचे आणि पुढील संकटांना कसे सामोरे जायचे, असा गंभीर प्रश्न शेतकऱ्यांसमोर निर्माण झाला आहे. शासनाने या परिस्थितीची तातडीने दखल घेऊन नुकसानग्रस्त भागाचे पंचनामे करावेत आणि शेतकऱ्यांना भरीव मदत द्यावी, अशी मागणी जोर धरत आहे..द्राक्ष उत्पादनासाठी झालेला अफाट खर्च व वाढती महागाई यामुळे शेतकरी आधीच आर्थिक संकटात आहे. त्यातच या वादळी वाऱ्यासह झालेल्या पावसामुळे बेदाण्याचे मोठे नुकसान झाले असून आमचे मोठे नुकसान झाले आहे.अर्जुन क्षीरसागर, नुकसानग्रस्त शेतकरी, मुंगशी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
