Pune News: मुंबई कृषी उत्पन्न बाजार समितीवर अखेर प्रशासकांची नियुक्ती करण्यात आली आहे. राज्य शासनाने पणन संचालक विकास रसाळ यांची प्रशासकपदी नियुक्ती केली आहे. सोमवारी (ता. १) सकाळी त्यांनी पदभार स्वीकारला..मुंबई कृषी उत्पन्न बाजार समितीच्या संचालक मंडळाची मुदत रविवारी (ता. ३१) संपुष्टात आली. त्यानंतर बाजार समितीला राष्ट्रीय दर्जा दिला जाईल, अशी चर्चा पणन विभागात होती. मात्र या बाबतच्या अधिसूचनेवर राज्यपालांची सही झाली नाही. मात्र या दरम्यान श्री. रसाळ यांची प्रशासकपदी नियुक्ती राज्य शासनाने केली. पदभार स्वीकारताच बाजार समितीचे सचिव डॉ. पी. एल. खंडागळे यांनी श्री. रसाळ यांचे स्वागत केले..APMC Reforms : राष्ट्रीय बाजाराची अधिसूचना कोणत्याही क्षणी.बाजार समितीच्या संचालक मंडळाची मुदत संपुष्टात येत असताना काही ‘वजनदार’ संचालकांनी मुदतवाढीसाठी मंत्र्यांकडे हट्ट धरला होता. मात्र गैरव्यहारांच्या विळख्यात अडकलेल्या संचालकांना काही मंत्र्यांनी खडे बोल सुनावत मुदतवाढीला विरोध केला. तर मुख्यमंत्री देवेंद्र फडणवीस देखील मुदतवाढीसाठी फारसे उत्सुक नसल्याने अखेर प्रशासकांची नियुक्ती करण्यात आली आहे..Pune APMC Mismanagement: पुणे बाजार समितीच्या चौकशीची शरद पवार यांच्याकडून मागणी.राष्ट्रीय बाजाराची उत्कंठाराज्यातील सहा बाजार समित्यांना राष्ट्रीय करण्याची घोषणा नुकत्याच झालेल्या विधानसभेच्या पावसाळी अधिवेशनात होण्याची शक्यता होती. मात्र अधिवेशनात घोषणा न झाल्याने या मसुद्याला राज्य मंत्रिमंडळाने मंजुरी दिली. यासाठी राज्यपालांच्या सहीची अधिसूचना काढण्याची प्रक्रिया सुरू आहे. सोमवारी (ता. १) अधिसूचना निघण्याची शक्यता वर्तविण्यात येत होती. मात्र आता अधिसूचना कधी निघणार? याकडे बाजार समिती घटकांचे लक्ष लागले आहे..नियुक्ती कायद्याला सुसंगत नाहीपणन संचालकांनी स्वतःचीच नियुक्ती प्रशासकपदी करणे हे कायद्याला सुसंगत आणि संकेताला धरून नसल्याचे मत पणन मंत्रालयातील वरिष्ठ अधिकाऱ्यांनी सांगितले. पणनमंत्र्यांनी जरी तोंडी आदेश दिले असले तरी, हा प्रघात योग्य नाही, असे पणन अभ्यासकांचे आणि अधिकाऱ्यांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
