Nashik News: नाशिक जिल्हा भाजीपाला लागवडीत अग्रेसर आहे. येथे कांदा, टोमॅटो, कोबी, फ्लॉवर यासह वेलवर्गीय पिकांच्या लागवडी केल्या जातात. यामध्ये उत्पादन व उत्पन्नवाढीसाठी हंगामनिहाय सुधारित वाणांची निवड करावी आवश्यक आहे. यासह उत्पन्नाची जोखीम टाळण्यासाठी बहुपीक पद्धतीचा अवलंब करावा, असा सल्ला महात्मा फुले कृषी विद्यापीठाचे उद्यानविद्या विभाग प्रमुख डॉ. भारत पाटील यांनी दिला..ॲग्रोवन आणि संकेत नर्सरी यांच्या संयुक्त विद्यमाने व मराठा विद्या प्रसारक समाज संस्थेच्या सहकार्याने मंगळवारी (ता. २३) कर्मयोगी दुलाजी सीताराम पाटील कृषी महाविद्यालय चाचडगाव (ता. दिंडोरी) येथे ‘ॲग्रोवन कृषी संवाद’ कार्यक्रमामध्ये भाजीपाला लागवड तंत्रज्ञान या विषयावर चर्चासत्राचे आयोजन करण्यात आले होते. .Multi Cropping: 'बहुपीक पद्धती, चीया शेती, अन्नप्रक्रिया उद्योगावर भर हवा'.या प्रसंगी डॉ. पाटील यांनी शेतकऱ्यांना मार्गदर्शन केले. या प्रसंगी प्रमुख पाहणे म्हणून ‘मविप्र’चे सरचिटणीस ॲड. नितीन ठाकरे, उपसभापती व स्थानिक व्यवस्थापन समिती अध्यक्ष देवराम मोगल, उपाध्यक्ष विश्वास मोरे, संचालक प्रवीण जाधव, शिक्षणाधिकारी डॉ. अजित मोरे, प्राचार्य डॉ. बापूसाहेब भाकरे हे उपस्थित होते. तर कार्यक्रमास संकेत नर्सरीचे संचालक सुनील चव्हाण, दिंडोरी पंचायत समितीचे माजी उपसभापती विठ्ठलराव अपसुंदे, उमराळेचे सरपंच वसंतराव भोये, चाचडगावच्या सरपंच हर्षदा गावंडे, दिंडोरी कृषी उत्पन्न बाजार समिती संचालक नानाभाऊ मोरे, माजी पंचायत समिती सदस्य सुनील पाटील आदींसह परिसरातील शेतकरी उपस्थित होते..Multi Cropping : बहुपीक पध्दतीतून आर्थिक स्थिरता.डॉ. पाटील म्हणाले, ‘‘भाजीपाला पिकामध्ये पाण्याचे कार्यक्षम व्यवस्थापन महत्त्वाचे आहे. शिफारशीनुसार खत व्यवस्थापन पिकाच्या अवस्थेनुसार करण्यात यावे. पिकावर येणारे रोग-कीड व्यवस्थापन हे तज्ज्ञांच्या सल्ल्याने करताना कीडनाशके व बुरशीनाशकांचा वापर करावा. .जास्तीत जास्त एकात्मिक कीड-रोग व्यवस्थापन करून रासायनिक कीडनाशकांचा वापर करावा. तणनाशकांचा वापर करताना पिकासाठी शिफारस आहे का? त्याचा वापर कालावधी, प्रमाण यांची माहिती अगोदर घ्यावी.’’ॲड. ठाकरे, संचालक जाधव यांनीही मार्गदर्शन केले. श्री. मोगल यांनी शेतकऱ्यांना शास्त्रीय माहितीप्रमाणे नियोजन, अवलंब करण्याचे आवाहन केले. प्रास्ताविक कृषी महाविद्यालयाचे प्राचार्य बापूसाहेब भाकरे यांनी केले. सूत्रसंचालन प्रा. पंकज सिंग चौहान यांनी तर आभार प्रदर्शन वैभव कुशारे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
