Nashik News: राज्यातील कांदा उत्पादक पट्ट्यात गेल्या काही वर्षात लागवड पद्धतीत बदल होत आहे. पुणे, नाशिक, अहिल्यानगर जिल्ह्यांत अलीकडे मल्चिंग पेपर पद्धतीने लागवडी होत आहेत. ही पद्धत उत्पादन वाढ, पाण्याची बचत आणि तण नियंत्रणासाठी प्रभावी ठरत असल्याने शेतकरी याकडे वळू लागले आहेत..‘कांद्याचे आगार’ म्हणून ओळखल्या जाणाऱ्या नाशिक जिल्ह्यात गेल्या तीन वर्षांपासून काही शेतकऱ्यांनी मल्चिंग पेपरवर लागवडी सुरू केल्या. त्याचा विस्तार यंदा येवला व निफाड तालुक्यांत झाला आहे. पारंपरिक पद्धतीने एकसारखी लागवड न होता रोपांचे प्रमाण कमी-जास्त असते. त्यामुळे या नवीन सुधारित पद्धतीमध्ये एकसारखी लागवड तसेच रोपांची संख्या देखील वाढते. एकसारख्या अंतरामुळे कांद्याचा कंद चांगल्या प्रकारे वाढतो. यामध्ये विद्राव्य पद्धतीने खत व्यवस्थापन होते. अनेक शेतकऱ्यांनी हा प्रयोग यशस्वी केला आहे..Onion Farming: कांदा पातीवरील करपा रोगांचे व्यवस्थापन.एकरी खर्च असा:मल्चिंग पेपर खर्च...९ ते १० हजारठिबक सिंचन...१० हजार.शेतकऱ्यांनी सांगितलेले फायदे:– मल्चिंग पेपरमुळे सूर्यप्रकाश जमिनीपर्यंत थेट पोहोचत नसल्याने तण वाढत नाही. यामुळे तण नियंत्रणाचा खर्च ८० टक्के वाचतो.– जमिनीतील ओलावा टिकून राहतो, बाष्पीभवन कमी होते. सिंचन कार्यक्षमता वाढून केवळ ३० ते ३५ टक्के पाण्यात कांदा उत्पादन शक्य.Onion Rate: कांद्याला १८०० रुपयांपर्यंत प्रति क्विंटल दर.– कांद्याचे पोषण चांगले होते. यामध्ये आकार आणि रंग एकसारखा राहतो, ज्याला बाजारात चांगला भाव मिळतो.– चंदेरी रंगाच्या मल्चिंगमुळे फुलकिड्यांचा प्रादुर्भाव कमी होतो.– तण होत नसल्याने तणनाशक फवारणीचा खर्च देखील येत नाही. तणनाशक फवारल्याने कांदा पीक ताणावर जाते. शिवाय जमिनीचा पोत बिघडतो; मात्र यामुळे हा धोका नाही..प्रायोगिक चाचण्या सुरूगेल्या तीन वर्षांत लागवडी वाढत असताना शेतकऱ्यांचा कल दिसून येत आहे. याच पार्श्वभूमीवर भारतीय कृषी संशोधन परिषदेच्या राजगुरुनगर (पुणे) कांदा व लसूण संशोधन संचालनालयातर्फे गेल्या वर्षापासून प्रायोगिक चाचण्या सुरू आहेत. याबाबत निरीक्षणे नोंदविण्यात येत आहे. पुढीलवर्षी अंतिम परिणाम समोर येणार आहेत, अशी माहिती संचालनालयाचे संचालक डॉ. विजय महाजन यांनी ‘ॲग्रोवन’शी बोलताना सांगितले..गेल्या वर्षी उन्हाळ कांदा लागवड केली होती. कमी पाण्यात गुणवत्तापूर्ण उत्पादन घेणे शक्य झाले. उत्पादनात २० टक्क्यांपर्यंत वाढ देखील झाली. यंदाही मल्चिंग पेपरवर कांदा लागवड केली आहे.शांताराम कमानकर, शेतकरी, भेंडाळी, ता. निफाड.मल्चिंग पेपरवर ४ बाय ४ इंच अंतर असून आडव्या ओळीत १० रोप लागतात.एकरी तीन लाखांवर रोपांची लागवड झाली आहे. यामध्ये वाढ जोमदार होत असल्याचे दिसून येत आहेत. पारंपरिक लागवडीपेक्षा एकरी २ हजार रुपये जास्त मजुरीचा लागवड खर्च आला आहे.बापू नरोडे, शेतकरी, पिंपळगाव जलाल, ता.येवला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
