Gadchiroli News: मूलचेरा तालुक्यात स्ट्रॉबेरी लागवडीचा यशस्वी प्रयोग झाला असून, विदर्भातील उच्च तापमानातही दर्जेदार उत्पादन घेतले जात आहे. उत्पादित स्ट्रॉबेरीला स्थानिक बाजारपेठेत ४०० रुपये प्रति किलो दर मिळत आहे. .स्ट्रॉबेरी लागवडीचे बीज २०१९ मध्ये ‘विशेष केंद्रीय साहाय्य योजने’अंतर्गत रोवले गेले. सुरुवातीला केवळ ३ शेतकऱ्यांच्या शेतावर प्रायोगिक तत्त्वावर लागवड करण्यात आली. त्या वेळी विदर्भातील उच्च तापमान आणि हवामानातील बदल ही मोठी आव्हाने होती. मात्र योग्य वाणांची निवड, मल्चिंग पेपरचा वापर, ठिबक सिंचन, शेडनेट आणि नियोजित अन्नद्रव्य व्यवस्थापन यामुळे उत्पादनात यश मिळाले..Strawberry Farming: स्ट्रॉबेरी उत्पादनासह थेट विक्री मॉडेल.स्ट्रॉबेरीची लागवड साधारण ऑक्टोबर-नोव्हेंबरमध्ये करून डिसेंबरपासून फळतोडणी सुरू होते. मूलचेरा तालुक्यातील स्ट्रॉबेरी ही वजनाने मोठी व रंगाने आकर्षक असल्याने ग्राहकांकडून चांगली मागणी आहे. स्थानिक बाजारपेठेत थेट विक्री होत असल्याने वाहतूक खर्च कमी राहतो..कृषी विभागाच्या अंदाजानुसार, १० गुंठे क्षेत्रातून अंदाजे १२ ते १५ क्विंटल उत्पादन, सरासरी ४०० रुपये प्रतिकिलो दर अपेक्षित धरता एकूण या पिकातील उलाढाल सुमारे ४.५ ते ६ लाख रुपये इतकी आहे खर्च वजा जाता सुमारे २ लाख रुपयांपर्यंत निवड नफा होण्याचा अंदाज वर्तविण्यात आला आहे..Strawberry Farming: बारामतीमध्ये स्ट्रॉबेरी शेतीचा प्रयोग.शेतकऱ्यांचा मिळाला प्रतिसाद२०२१-२२ मध्ये १० शेतकऱ्यांनी लागवड केली.२०२२-२३ मध्ये ही संख्या १८ वर पोहोचली.२०२५-२६ मध्ये जिल्हा वार्षिक नावीन्यपूर्ण योजनेअंतर्गत मोठ्या प्रमाणावर शेतकरी सहभागी झाले आहेत..विविधीकरणाला चालनाजिल्हाधिकारी अविशांत पांडा यांच्या मार्गदर्शनाखाली आणि जिल्हा अधीक्षक कृषी अधिकारी प्रीती हिरळकर यांच्या नियोजनातून हा उपक्रम राबविण्यात आला. मुलचेरा तालुका कृषी अधिकारी विकास पाटील आणि त्यांच्या पथकाने शेतकऱ्यांना सातत्याने तांत्रिक मार्गदर्शन केले व स्ट्रॉबेरी लागवड यशस्वी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
