Nashik News: केंद्र सरकारच्या माध्यमातून होणाऱ्या कांदा खरेदीमधील भ्रष्टाचार आणि दरात झालेली मोठी घसरण या मुद्द्यांवर राज्यातील महाविकास आघाडीच्या खासदारांनी दिल्लीत संसदेसमोर आंदोलन केले. या वेळी खासदारांनी घोषणाबाजी करत संसदेचा परिसर दणाणून सोडला. .महाराष्ट्रातील खासदारांनी मंगळवारी (ता. १२) कांद्याच्या मुद्द्यावर केंद्र सरकारला घेरले. या निमित्ताने राष्ट्रवादी काँग्रेस शरदचंद्र पवार पक्ष, शिवसेना उद्धव बाळासाहेब ठाकरे, काँग्रेस पक्षाचे खासदार कांद्याच्या मुद्द्यावर आक्रमक झाले होते..Protest For Onion Farmers: कांदा प्रश्नावर संसद परिसर दणाणला; विरोधी पक्षातील खासदारांची निदर्शने.सकाळी सटाणा येथील कांदा उत्पादक आणि व्यंग्यचित्रकार किरण मोरे यांनी तयार केलेले व्यंगचित्र घेऊन मराठी खासदारांनी निदर्शने केली. त्यामध्ये सुप्रिया सुळे यांच्यासह भास्कर भगरे, राजाभाऊ वाजे, डॉ. अमोल कोल्हे, डॉ. शोभा बच्छाव, अरविंद सावंत, बजरंग सोनवणे, नीलेश लंके, छत्रपती शाहू महाराज सहभागी झाले होते..या वेळी विरोधी पक्षाच्या खासदारांनी त्यांना पाठिंबा देत घोषणा दिल्या. राज्य सरकारचा कांदा उत्पादक शेतकऱ्यांविषयी दुजाभाव स्पष्टपणे दिसतो. गुजरात सरकार कांदा उत्पादकांना प्रतिक्विंटल २०० रुपये अनुदान देते; मात्र महाराष्ट्रात नाही. जागतिक कांदा उत्पादक अशी ओळख असलेल्या महाराष्ट्रातील शेतकऱ्यांची कोंडी होत आहे. केंद्र सरकार कांदा उत्पादकांवर अन्याय करत असल्याचा आरोप या वेळी करण्यात आला..Onion Storage Policy: कांदा साठवणूक धोरणाचा मसुदा तयार : पाशा पटेल.मागील आठवड्यात काही खासदारांनी पणन मंत्री पियुष गोयल, अर्थमंत्री निर्मला सीतारमन, कृषिमंत्री शिवराजसिंह चौहान यांसह विविध मंत्र्यांची भेट घेऊन कांदा उत्पादकांच्या अडचणी मांडल्या. मात्र केंद्राने कुठल्याही हालचाली केल्या नाहीत. त्यामुळे जबाबदारी पूर्णतः केंद्र सरकारवर असेल, असे या लोकप्रतिनिधींनी सांगितले..प्रमुख मागण्याकेंद्र शासनाने कांद्याचे दीर्घकालीन धोरण निश्चित करावे.निर्यातीस कर परतावा वाढवून देशांतर्गत वाहतूक व विपणनासाठी अर्थसाह्य करावे.कांदा उत्पादकांना किमान ५०० रुपये प्रति क्विंटल अनुदान द्यावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
