Rural Development: वाळवा तालुक्यातील येडेनिपाणी येथील क्रांतिवीर स्वयंसहाय्य शेतकरी गटाने आधुनिक, नैसर्गिक आणि शाश्वत शेतीचे विविध उपक्रम प्रभावीपणे राबवून गावातील शेतीत सकारात्मक बदल घडवून आणला आहे. या कामाची दखल घेत महात्मा फुले कृषी विद्यापीठ, राहुरीने येडेनिपाणी गावाची ‘फुले समृद्ध ग्राम’ म्हणून निवड केली आहे..या निवडीपूर्वी विद्यापीठाच्या विशेष निवड समितीने गावाला भेट देऊन शेतीतील विविध नाविन्यपूर्ण उपक्रमांची पाहणी केली. समितीत डॉ. आनंद चवई, डॉ. सुनील अडांगळे, कसबे डिग्रज येथील कृषी संशोधन केंद्राचे प्रभारी अधिकारी डॉ. श्रीमंत राठोड, कीटकशास्त्रज्ञ डॉ. सचिन महाजन, मृदशास्त्रज्ञ डॉ. संग्राम काळे तसेच कृषी विज्ञान केंद्राचे डॉ. सचिन कोल्हे यांचा समावेश होता..Global Vikas Trust: शेती, ग्रामविकासाला नवी ओळख देणारा ‘ग्लोबल विकास ट्रस्ट’.यावेळी सरपंच शामबाला माळी, उपसरपंच विजय पाटील, ग्रामपंचायत सदस्य प्रताप पाटील तसेच क्रांतिवीर स्वयंसहाय्य शेतकरी गटाचे सदस्य उपस्थित होते. गटाचे अध्यक्ष अमर पाटील आणि सचिव सागर पाटील यांनी गटाच्या कार्याची माहिती दिली..महात्मा फुले कृषी विद्यापीठाचे कुलगुरू डॉ. विलास खर्चे, संशोधन संचालक डॉ. प्रशांत बोडके, डॉ. नरेंद्र काशीद, डॉ. उल्लास सुर्वे, डॉ. आनंद चवई, जिल्हा कृषी अधिकारी विवेक कुंभार आणि तालुका कृषी अधिकारी इंद्रजीत चव्हाण यांचे या उपक्रमाला मार्गदर्शन लाभले आहे..Natural Farming: नैसर्गिक निविष्ठांसाठी विद्यापीठाचे एकात्मिक शेतीचे मॉडेल फलदायी.आत्मा अंतर्गत स्थापन झालेला हा शेतकरी गट कृषी विभाग आणि महात्मा फुले कृषी विद्यापीठाच्या सहकार्याने शेतकरी व शेतीच्या शाश्वत विकासासाठी विविध उपक्रम राबवत आहे. सेंद्रिय निविष्ठा निर्मिती, पाचट व्यवस्थापन, कृषी प्रशिक्षण, अभ्यास दौरे, एकात्मिक शेती यांसह विविध तंत्रज्ञानाचा प्रसार करण्यात गटाने पुढाकार घेतला आहे. तसेच कृषी विभाग, आत्मा, पंचायत समिती, जिल्हा परिषद, कृषी विज्ञान केंद्र आणि विविध संस्थांच्या योजनांचा लाभ शेतकऱ्यांपर्यंत पोहोचविण्यातही गटाची महत्त्वाची भूमिका आहे..शेतकऱ्यांचे जीवनमान उंचावण्यासाठी गाव एकत्रितपणे प्रयत्नशील असून, भारतीय कृषी अनुसंधान परिषद (नवी दिल्ली), कार्बन उत्सर्जन संस्था (भुवनेश्वर), प्रेरणा फाउंडेशन आणि स्नेहयोग संस्था (पुणे) यांच्या सहकार्याने गटाने राष्ट्रीय स्तरावरही उल्लेखनीय कामगिरी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
