Pune News : लोकनेते गोपीनाथ मुंडे ऊसतोड कामगार कल्याण महामंडळाला कायद्याच्या कक्षेत आणण्याच्या हालचाली शासनाच्या पातळीवर सुरू आहेत. त्यासाठी साखर उद्योगाकडून सूचना मागविण्यात आल्या आहेत..ऊसतोड कामगारांना कल्याणकारी व सामाजिक सुरक्षाविषयक सवलती पुरविण्यासाठी २०१९ मध्ये स्वतंत्र महामंडळ स्थापन करण्यात आले. सामाजिक न्याय विभागाच्या कक्षेत २०२२ मध्ये पुण्यात मुख्यालय तयार करीत कंपनी कायद्यानुसार महामंडळ चालवले जाते आहे..महामंडळाचे कामकाज चालविण्यासाठी कारखान्यांकडून सक्तीने निधी घेतला जातो. त्यातून प्रत्येक वर्षी कोट्यवधी रुपये गोळा होतो. परंतु, महामंडळ स्थापनेमागचा मुख्य हेतू अद्याप सफल झालेला नाही, असे साखर उद्योगाचे म्हणणे आहे..Sugarcane Farming: पूर्वहंगामी उसाच्या आधुनिक लागवड तंत्राने उत्पादनात लक्षणीय वाढ.‘‘महामंडळाला कायदेशीर चौकट, स्वतंत्र मनुष्यबळ, पुरेसे अधिकार दिल्याशिवाय ऊसतोड कामगारांना योग्य संरक्षण मिळणार नाही. त्यामुळेच सध्या शासनस्तरावरून महामंडळ बळकटीकरणासाठी पावले टाकली जात आहेत,’’ अशी माहिती सूत्रांनी दिली. ऊस दर नियंत्रण मंडळाच्या बैठकीतदेखील महामंडळाच्या मर्यादांबाबत चर्चा झाली होती..त्यासाठी महाराष्ट्र ऊसदराचे विनियमन अधिनियम २०१३ व नियम २०१६ मध्ये सुधारणा करावी लागणार आहे. सुधारणेसाठी साखर आयुक्त डॉ. संजय कोलते यांच्या अध्यक्षतेखाली समिती स्थापन करण्यात आली आहे..Sugarcane Crushing: पाच जिल्ह्यांतील वीस कारखान्यांकडून वीस लाख ५८ हजार टन गाळप.‘‘राज्यातील सर्व कारखान्यांना महामंडळामार्फत ऊसतोड कामगार पुरवणे व त्यासाठी महामंडळाला कायदेशीर अधिकार देणे आणि त्यासाठी महामंडळ कायद्याच्या कक्षेत आणणे, अशा तीन मुद्द्यांवर आमचा अभ्यास चालू आहे. साखर उद्योगाकडून येत असलेल्या सूचनांदेखील आम्ही विचारात घेणार आहोत,’’ असे समितीच्या एका सदस्याने सांगितले..ऊसतोडणी कामगारच नव्हे तर ऊसतोडीची सध्याची पद्धतदेखील अभ्यासली जात आहे. राज्यातील अनेक कारखाने तोडणी व वाहतूक खर्च अफाट दाखवतात. त्याची पडताळणी करण्याची पद्धत सध्या आस्तित्वात नाही. त्यामुळे कायद्यातच तोडणी व वाहतुकीबाबत कायमस्वरूपी नियम लागू करता येतील का, असाही प्रयत्न सुरू आहे..साखर उद्योगातून गोळा होत असलेल्या वर्गणीचा प्रभावी व योग्य वापर, राज्यातील उसाची नियोजनबद्ध तोडणी आणि वाहतूक यासाठी ऊसतोड कामगार महामंडळाला बळकट करावे लागेल. त्यासाठी महामंडळाला काही अधिकार, मनुष्यबळ, तंत्रज्ञान सुविधा देण्यासाठी प्रयत्न होत असल्यास ते स्वागतार्हच असेल.संजय खताळ, व्यवस्थापकीय संचालक, महाराष्ट्र राज्य सहकारी साखर कारखाने संघ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
