Smart Farming : छत्रपती संभाजीनगर जिल्ह्यातील पानेगाव (ता. फुलंब्री) येथील शाम पानेगावकर यांच्या शेतात अतिशय भारी जमीन असून, जमिनीचा सामू ८.५ आहे. अशा जमिनीत आंबा तज्ज्ञ डॉ. भगवानराव कापसे यांच्या मार्गदर्शनाखाली अतिघन पद्धतीने केसर आंब्याची लागवड करण्यात आली. तंत्रज्ञानाचा योग्य वापर केल्यास चोपण जमिनीतही आंब्याची लागवड यशस्वीपणे करता येते, असे मत डॉ. कापसे यांनी व्यक्त केले..यासाठी उत्तर-दक्षिण दिशेने मोठी नाली करून त्यात ४० टक्के मुरूम मिसळून नाली भरून घेण्यात आली. त्यावर दोन फूट उंचीचा बेड तयार करण्यात आला. आंबा लागवडीच्या ठिकाणी वरच्या एक ते दीड फूट थरात अडीच किलो जिप्सम, दोन टोपले शेणखत आणि ५० ग्रॅम एलिमेंटल सल्फर मिसळण्यात आले. त्यानंतर पाच बाय पाच फूट अंतरावर आंब्याच्या कलमांची लागवड करण्यात आली..Rain Update: छत्रपती संभाजीनगर, जालना आणि बीड जिल्ह्यांत पावसाचे धुमशान.जास्त सामू असलेल्या जमिनीत मुरूम व जिप्समचा वापर करून वरून पाणी दिल्यास तसेच पावसाच्या पाण्यामुळे जमिनीतील क्षार धुऊन जाण्यास मदत होते. त्यामुळे एक-दोन वर्षांत जमिनीचा सामू ७.८ पर्यंत खाली येऊ शकतो. याबाबतची तांत्रिक माहिती डॉ. कापसे यांनी परिसरातील शेतकऱ्यांना दिली..Rainfall Deficit: तूर खुंटली, कपाशी काळवंडली, सोयाबीन करपले.परिसरात सिंचनासाठी पाण्याची उपलब्धता बऱ्यापैकी असल्याने शेतकऱ्यांनी अतिघन आंबा लागवडीच्या माध्यमातून आर्थिक समृद्धी साधावी, असे आवाहन डॉ. कापसे यांनी केले..या वेळी कापूस तज्ज्ञ डॉ. बैनाडे यांच्या हस्ते नारळ फोडून पूजन करण्यात आले आणि आंबा लागवडीची मुहूर्तमेढ रोवण्यात आली. शेतकऱ्यांनी अतिघन लागवड तसेच जास्त सामू असलेल्या जमिनीत आंबा लागवडीसंदर्भात विविध प्रश्न विचारून आपल्या शंकांचे निरसन करून घेतले. परिसरातील अनेक शेतकऱ्यांनीही अशा पद्धतीने अतिघन आंबा लागवड करण्याची इच्छा व्यक्त केली. या कार्यक्रमास शेखर खोले, राजेंद्र तोडकर, अयुब खान, सुरेश पानेगावकर, गणेश काकडे, शिवाजी काकडे यांच्यासह परिसरातील शेतकरी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
