FDA Action Thane: शुद्धतेचा दावा करून विक्री करण्यात येणाऱ्या गायी, म्हशीच्या दुधातच मोठ्या प्रमाणात भेसळ केली जात असल्याचा धक्कादायक प्रकार अन्न व औषध प्रशासनाच्या कारवाईत उघडकीस आला आहे. महापे औद्योगिक वसाहतीतील डेअरीत दूध भेसळ करताना एकाला रंगेहाथ पकडल्यानंतर ठाणे आणि नवी मुंबईतील अनेक डेअऱ्यांमधील दूध, पनीर, स्किम्ड मिल्क पावडर आणि क्रीमचा साठा तपासणीच्या रडारवर आला आहे. .या कारवाईत तब्बल चार हजार ७१० लिटर संशयित व भेसळयुक्त दूध नष्ट करण्यात आले असून, १५ व्यक्ती आणि डेअऱ्यांविरोधात गुन्हा दाखल करण्यात आला आहे. भेसळयुक्त आणि निकृष्ट अन्नपदार्थांच्या विरोधामध्ये अन्न व औषध प्रशासनाने धडक कारवाईला सुरुवात केली आहे. नवी मुंबईसह ठाणे जिल्ह्यामध्ये मोठ्या प्रमाणामध्ये दूध भेसळीचा गोरख धंदा सुरू असल्याचे उघड झाले आहे..Adulterated Milk Case: मंचर दूध भेसळप्रकरणी आतापर्यंत २४ जणांना अटक.महापे येथील पी. के. डेअरीवर १९ ऑगस्टला छापा टाकण्यात आला. त्या वेळी टँकरमध्ये दुधाची पाकिटे फोडून त्यात स्किम्ड मिल्क पावडर आणि चिलरचे थंड पाणी मिसळले जात असल्याचे आढळले. शिवेंद्र जैस्वाल याला हा प्रकार करताना रंगेहाथ पकडले. डेअरी मालक प्रदीप यादव याच्याशी संगनमताने हा प्रकार सुरू असल्याचे तपासात समोर आले..Milk Adulteration Case: दूध भेसळप्रकरणी कारवाईला विलंब झाल्यास आंदोलन.आयुक्त तुकाराम मुंढे यांच्या मार्गदर्शनाखाली दक्षता विभागाच्या सहआयुक्त प्रीती टिपरे आणि ठाण्याचे अन्न सहआयुक्त डॉ. सचिन जाधव यांच्या निर्देशानुसार ही कारवाई झाली. कोकण विभागाचे सहआयुक्त अजित मैत्रे, अन्न सुरक्षा अधिकारी विक्रम निकम, प्रशांत पवार, उत्तरेश्वर बडे, माणिक जाधव आणि गुप्तवार्ता पथकाने कारवाई केली. भेसळीची पद्धत पाहता हा प्रकार केवळ पाणी मिसळण्यापुरता मर्यादित नसल्याचे स्पष्ट झाले आहे. एक किलो स्किम्ड मिल्क पावडरमध्ये तब्बल आठ ते दहा लिटर थंड पाणी मिसळून प्लंजरच्या साह्याने ते एकजीव केले जात होते..त्यानंतर हे मिश्रण शुद्ध दूध असल्याचे भासवून विविध डेअऱ्यांना पुरवले जात होते. महापे, ऐरोली, घणसोली आणि दिघा परिसरासोबतच ठाण्यातील कोपरी, साकेत आणि ब्रह्मांड भागातील डेअऱ्यांचाही या प्रकरणात समावेश आहे. पी. के. डेअरीतील ७६१ लिटर दूध तसेच प्रयोगशाळा अहवाल नसलेले नारायण डेअरीतील ३,६४८ लिटर पाश्चराइज्ड स्किम्ड दूध नष्ट करण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
