Nashik News: सिन्नर तालुक्यातील भोकणी गावाने जलसंधारण आणि पर्यावरण संवर्धनाच्या कामात लोकसहभागातून केलेल्या क्रांतीला आता निसर्गाचीही साथ लाभू लागली आहे. गावाने जतन केलेल्या नैसर्गिक अधिवासामुळे संपन्न भोकणीच्या तलावावर हजारो स्थलांतरित पक्ष्यांनी हजेरी लावली आहे. एकेकाळी दुष्काळी म्हणून ओळखल्या जाणाऱ्या या गावाने जलस्रोतांचे पुनरुज्जीवन केल्याने निर्माण झालेली समृद्ध अन्नसाखळी या पक्ष्यांच्या आकर्षणाचे मुख्य केंद्र ठरत आहे..भोकणी गावाने गेल्या काही वर्षांत केवळ पाणी अडवण्यावर भर न देता, संपूर्ण परिसराचा ‘इको-सिस्टिम’ म्हणून विचार केला आहे. त्याचे सकारात्मक परिणाम आता दिसून येत आहेत. तलावातील पाणीपातळी टिकवून ठेवण्यासोबतच परिसरातील वृक्षलागवडीमुळे पक्ष्यांना सुरक्षित निवारा उपलब्ध झाला आहे. .Environmental Conservation : पर्यावरण संवर्धनासाठी बीज चेंडू बनविण्याचा संकल्प.पाण्यातील स्वच्छतेमुळे जलचर आणि कीटकांची संख्या वाढल्याने पक्ष्यांसाठी मुबलक नैसर्गिक खाद्य उपलब्ध झाले आहे. थंडीच्या मोसमात उत्तर गोलार्धातून येणाऱ्या विविध प्रजातींच्या पक्ष्यांनी या तलावाला पसंती दिली आहे..Environmental Conservation Seed Ball : बीज चेंडू मुळे पर्यावरण संवर्धनाला हातभार.ग्रामस्थांचे सातत्यपूर्ण प्रयत्नभोकणीच्या या यशोगाथेमागे ग्रामस्थांचे सातत्यपूर्ण प्रयत्न आहेत. ‘पाणी अडवा, पाणी जिरवा’ या मोहिमेसोबतच गावाने जलस्रोतांचे पुनरुज्जीवन करण्यासाठी गाळाचा उपसा आणि ओढे जोडणीमुळे भूजल पातळीत वाढ, हरित उपक्रमामध्ये पडीक जमिनीवर आणि तलावाच्या काठावर स्थानिक प्रजातींच्या वृक्षांची लागवड आहे. .आज तलावावर दिसणारे स्थलांतरित पक्ष्यांचे थवे हा त्या प्रयत्नांचा केवळ परिणाम नाही, तर गावातील बदललेल्या पर्यावरणीय समतोलाचा एक महत्त्वपूर्ण संकेत मानला जात आहे. स्वच्छ पाणी, सुरक्षित अधिवास आणि समृद्ध नैसर्गिक अन्नसाखळी यामुळे हा परिसर पक्ष्यांसाठी आकर्षणाचा केंद्रबिंदू ठरत असल्याचे पाहायला मिळत आहे..एकेकाळी पाण्यासाठी झगडणाऱ्या भोकणी गावात आज स्थलांतरित पक्ष्यांची गर्दी दिसणे हा बदल केवळ एक दृश्य नाही; तो गावाने निसर्गाशी सुसंवाद साधत केलेल्या विकासाचा जिवंत पुरावा आहे.- अरुण वाघ, सरपंच, भोकणी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
