हुकूम मुलाणीWater Scarcity : मंगळवेढा मॉन्सूनच्या पावसाने हुलकावणी दिल्याने आणि म्हैसाळ योजनेचे पाणी शिरनांदगी तलावात न आल्यामुळे तलावातील पाणीसाठा संपत चालला आहे. त्यातच तलावालगत असलेल्या ११ ट्रान्सफॉर्मरचा वीजपुरवठा खंडित केल्यामुळे हातातोंडाशी आलेली पिके जळून जाण्याची चिंता तलावालगतच्या शेतकऱ्यांमधून व्यक्त केली जात आहे..मंगळवेढा तालुक्यात भीमा नदी, उजनी व म्हैसाळ कालव्याचे लाभक्षेत्र वगळता शिरनांदगी तलावामुळे शिरनांदगी, चिक्कलगी, महमदाबाद (हु.) परिसरातील मोठे क्षेत्र बागायत झाले आहे. गेल्या दोन वर्षांत हा मध्यम प्रकल्प पूर्ण क्षमतेने भरून सांडव्यातून पाणी वाहिले. सध्या कालव्याच्या वितरिकेतून रड्डे येथील सरपंचांनी पाणी सोडण्याची मागणी करूनही तलाव प्रशासनाकडून लगतच्या शेतकऱ्यांना पाणी सोडले जात नाही..Rain Crop Damage : शेतकऱ्यांच्या आशा पुन्हा गेल्या ‘पाण्यात’.दरवर्षी म्हैसाळ योजनेतून तलावात पाणी सोडण्याची मागणी केली जात आहे. मात्र, यंदा म्हैसाळकडून अद्याप पाणी सोडण्यात आलेले नाही. त्यामुळे दोन गावांतील शेतकऱ्यांमध्ये वादही झाला. तलावातील पाण्यावर अवलंबून असलेल्या बागायत क्षेत्रासाठी अनेक शेतकऱ्यांनी तलावातून पाइपलाइन केल्या आहेत. त्यासाठी सोसायटी, राष्ट्रीय बँका व पतसंस्थांच्या माध्यमातून कर्जरोखे घेतले आहेत..Global Water Crisis: पाण्याचे रण आणि धोरण.गेल्या दोन वर्षांतील उत्पन्नामुळे या कर्जाचा काही भाग कमी होण्याची शक्यता असतानाच सध्या ट्रान्सफॉर्मरचा वीजपुरवठा खंडित केल्याने शेतकऱ्यांना मोठा फटका बसणार आहे..या तलावात म्हैसाळचे पाणी सोडण्यासंदर्भात नुकतीच आमदार समाधान आवताडे यांनी जलसंपदामंत्री राधाकृष्ण विखे-पाटील यांच्याबरोबर बैठक घेतली आहे. त्यामुळे येत्या काही दिवसांत या भागातील शेती जतन करण्याच्या दृष्टीने सकारात्मक निर्णय घेण्यासाठी पाठपुरावा करू.- प्रदीप खांडेकर, जिल्हा परिषद सदस्य.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
