Nagpur News: महात्मा गांधी राष्ट्रीय ग्रामीण रोजगार हमी योजना (मनरेगा) अंतर्गत अकुशल कामगारांची थकीत मजुरी अदा करण्यासाठी ६७ कोटी रुपयांचा निधी शासनाने मंजूर केला आहे. .महात्मा गांधी रोजगार हमी योजनेअंतर्गत अकुशल कामगारांची मजुरी गेल्या अनेक महिन्यापासून थकीत होती. सुमारे ६७ कोटी रुपयांचा निधी शासनाकडून प्राप्त न झाल्याने मजूर आर्थिक कोंडीत सापडले होते. त्यातच होळीचा सण असल्याने त्याकरिता निधीची उपलब्धता व्हावी अशी मागणी सातत्याने केली जात होती..MGNREGA Scheme: ‘रोजगार हमी’तून फळझाडे, फुलझाडे, तुती, बांबूची लागवड .या संदर्भाने माजी राज्यमंत्री बच्चू कडू यांच्यासह विविध विविध संघटनांनी देखील य विषयावर आंदोलन करण्याचा इशारा दिला होता. त्याची दखल घेत मनरेगा आयुक्तालयाकडून या संदर्भाने शासन स्तरावर निधीची मागणी करण्यात आली. .MGNREGA Scheme: मंत्र्यांकडून योजनांचा आढावा.नंतर शासनाने थकीत मजुरीसाठी ६७ कोटी रुपयांच्या निधीला मंजुरी दिली आहे. संबंधित निधीची देयके कोषागाराकडे सादर करण्यात आली असून पुढील दोन ते तीन दिवसांत मजुरांच्या खात्यात थेट मजुरी जमा होणार आहे. त्यामुळे सणासुदीच्या काळात मजुरांना आर्थिक आधार मिळणार आहे..लेबर बजेटमध्ये वाढ१९ फेब्रुवारी २०२६ रोजी केंद्र शासनाने राज्याच्या १३ कोटी मनुष्यदिवसांच्या लेबर बजेटमध्ये वाढ करून सुधारित १६ कोटी मनुष्यदिवसांच्या लेबर बजेटला मान्यता दिली आहे. वाढीव मंजुरीमुळे मार्चअखेरपर्यंत मजुरांना नियमित रोजगार उपलब्ध होण्याचा मार्ग मोकळा झाला असून मजुरी वेळेत अदा केली जाणार असल्याची माहिती मनरेगा आयुक्त, नागपूर डॉ. भरत बास्टेवाड यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
