Silk Farming India : केंद्र शासनाच्या ‘मेरा रेशीम मेरा अभिमान २.०’ अभियानाची उद्दिष्टे समोर ठेवून शेतकऱ्यांना मिळणारे लाभ प्रभावीपणे पोहोचावेत, यासाठी संबंधित यंत्रणांनी सतर्क राहून जिल्ह्यात हे अभियान प्रभावीपणे राबविण्यासाठी आवश्यक कार्यवाही करावी, असे निर्देश मैसूर येथील केंद्रीय रेशीम संशोधन व प्रशिक्षण संस्थेच्या प्रमुख डॉ. अंतरा गुप्ता यांनी दिले..या महत्त्वाकांक्षी अभियानाच्या नांदेड जिल्ह्यातील प्रभावी अंमलबजावणीच्या अनुषंगाने जिल्हाधिकारी राहुल कर्डिले यांच्या मार्गदर्शनाखाली गुरुवारी (ता. ३०) जिल्हाधिकारी कार्यालयात नियोजन बैठक आयोजित करण्यात आली..Sericulture Farming: बदलत्या हवामानात रेशीम उद्योग हा शेतकऱ्यांसाठी उत्तम पर्याय : विजयअण्णा बोराडे.यावेळी परभणी येथील केंद्रीय रेशीम बोर्डाचे डॉ. अशोक जाधव, केंद्रीय रेशीम संशोधन व प्रशिक्षण संस्था, मैसूरच्या डॉ. अंतरा गुप्ता, जिल्हा रेशीम विकास अधिकारी अशोक वडवळे, पाणलोट प्रकल्पाचे दिनेश खडसे, पाणी फाउंडेशनचे प्रवीण, क्षेत्र सहाय्यक कांचन जाधव, अमर सूर्यवंशी, गजानन काचगुंडे, नरोजी कोरके, अभय कुलकर्णी, दत्ता भोसकटे, आनंद कोल्हे तसेच जैतापूर व धनगरवाडी-भेंडेगाव येथील चॉकी केंद्रांचे प्रतिनिधी उपस्थित होते..बैठकीत अशोक वडवळे यांनी जिल्ह्यातील रेशीम उद्योगाची सद्यस्थिती मांडली. रेशीम शेतीची क्षमता लक्षात घेता अधिकाधिक शेतकऱ्यांनी या उद्योगाकडे वळावे, असे आवाहन त्यांनी केले. डॉ. अशोक जाधव यांनी रेशीम कीड संगोपनादरम्यान शेतकऱ्यांना भेडसावणाऱ्या अडचणी दूर करण्यासाठी विशेष कार्यशाळा, तंत्रज्ञान प्रात्यक्षिके, कौशल्य विकास प्रशिक्षण तसेच आधुनिक रेशीम तंत्रज्ञान शेतकऱ्यांपर्यंत पोहोचविण्यासाठी राबविण्यात येणाऱ्या उपक्रमांची माहिती दिली..El Nino Crisis: ‘एल निनो’च्या संकटात रेशीम शेतीचा आधार.या बैठकीस जिल्ह्यातील विविध तालुक्यांतील रेशीम उत्पादक शेतकरी, चॉकीधारक, स्वयंसेवी संस्थांचे प्रतिनिधी आणि उद्योगाशी संबंधित घटक उपस्थित होते. बैठकीत रेशीम उद्योगासमोरील विविध समस्या, आव्हाने आणि उपाययोजनांवर सविस्तर चर्चा करण्यात आली. शेतकऱ्यांनी मांडलेल्या अडचणींच्या निराकरणासाठी आवश्यक उपाययोजनांबाबत मार्गदर्शन करण्यात आले..तसेच शासनस्तरावरील काही मागण्या संबंधित विभागाकडे सादर करण्याचे आश्वासनही देण्यात आले. ‘मेरा रेशीम मेरा अभिमान २.०’ हे अभियान सप्टेंबर २०२६ पर्यंत जिल्ह्यात विविध जनजागृती, प्रशिक्षण आणि तांत्रिक मार्गदर्शन उपक्रमांद्वारे राबविण्यात येणार असल्याची माहिती यावेळी देण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
