Pune News: राज्यात कृषी यांत्रिकीकरणाच्या विविध योजनांमधून अवजारे खरेदीसाठी शेतकऱ्याला कमाल एक लाखापर्यंतच अनुदान देण्याची अट होती. कृषी अभियांत्रिकी संचालनालयाने ही अट आता काढून टाकली आहे. .कृषी अभियांत्रिकी संचालनालयाचे संचालक अंकुश माने यांनी राज्यातील सर्व जिल्हा अधीक्षक कृषी अधिकाऱ्यांना यांत्रिकीकरण घटकांच्या अंमलबजावणीचे सुधारित आदेश पाठविले आहेत. यामुळे शेतकऱ्यांना सुखद धक्का बसला आहे. ‘अवजारांसाठी शेतकऱ्यांना एक लाखापर्यंतच अनुदान देण्याची मर्यादा आता हटविली आहे..Farm Mechanization Scheme: यांत्रिकीकरणासाठी सोडत निघाली; शेतकऱ्यांची डोकेदुखी वाढली.एका वर्षात संबंधित शेतकरी लाभार्थ्याची निवड ज्या ज्या घटकासाठी झाली आहे त्या सर्व घटकांकरिता अनुदान घेण्यास शेतकरी पात्र राहील. मात्र एकाच घटकासाठी अनुदान देताना द्विरुक्ती होणार नाही याची दक्षता घ्यावी,’ असे आदेशात नमूद करण्यात आले आहे..कृषी यांत्रिकीकरणासाठी राज्यात सध्या कृषी यांत्रिकीकरण उपअभियान, राज्य पुरस्कृती कृष यांत्रिकीकरण, राष्ट्रीय कृषी विकास योजना (डीपीआर) अशा विविध योजना राबविल्या जात आहेत. या योजनांची अंमलबजावणी करताना शेतकऱ्याला एक लाखाच्या पुढे अनुदान देता येणार नाही, अशी अट ५ जून २०२५ रोजी जारी केलेल्या मार्गदर्शक सूचनांमध्ये टाकण्यात आली होती..Farm Mechanization : कृषी यांत्रिकीकरण योजनेत चालढकल करणाऱ्यांवर कारवाईचा इशारा.कृषी विभागाच्या म्हणण्यानुसार, आधीच्या मार्गदर्शक सूचनेनुसार वैयक्तिक लाभार्थी शेतकऱ्याला ट्रॅक्टर वगळता केवळ अवजारांसाठी अनुदान हवे असल्यास ३ ते ४ अवजारे किंवा एक लाख रुपये यापैकी जे जास्त आहे त्याचा लाभ एका वर्षात मिळणार होता. म्हणजेच एखाद्या शेतकऱ्याला अवजारे अनुदानाच्या यादीत संधी मिळाली व दीड लाखापर्यंत अनुदानाची एकूण रक्कम होत असल्यास त्या वर्षात तो पूर्ण अनुदान रक्कम अपात्र ठरवला जात होता. .दरम्यान, कृषी अभियांत्रिकी संचालनालयाच्या सूत्रांनी सांगितले, की ट्रॅक्टरसाठी अनुदान निकषात बदल करण्यात आलेला नाही. त्यामुळे अनुसूचित जाती, अनुसूचित जमाती, अल्प-मध्यम भूधारक व महिला शेतकरी लाभार्थ्याला ट्रॅक्टर खरेदीसाठी सव्वा लाख रुपयांपर्यंत अनुदान मिळणार आहे. मात्र सर्वसाधारण गटातील शेतकरी असल्यास अनुदान रक्कम केवळ एक लाखापर्यंत देय असेल..सेवासुविधा केंद्रासाठी ४० टक्के अनुदानराज्यात शेतकऱ्यांना अवजारांसाठी सेवा सुविधा केंद्र (कस्टम हायरिंग सेंटर) सुरू करायचे असल्यास कमाल ४० टक्के अनुदान मिळणार आहे. राज्यात अशा केंद्रांची संख्या वाढत असून केंद्रांतील अवजारे इतर शेतकऱ्यांना भाडेतत्त्वावर दिली जात आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
