Crop Loss Compensation : चांदूर बाजार, जि. अमरावती दुष्काळग्रस्तांना आर्थिक मदत, पीककर्जमाफी आणि पीकविमा नुकसानभरपाईसह विविध मागण्यांसाठी ‘प्रहार’ने आक्रमक भूमिका घेतली आहे. शासनाने बुधवार (ता. २१) पर्यंत ठोस निर्णय न घेतल्यास त्याच दिवसापासून बेमुदत आंदोलन करण्याचा इशारा संघटनेने दिला आहे..‘प्रहार’चे तालुका प्रमुख प्रदीप बंड यांच्या नेतृत्वाखाली तहसीलदारांना निवेदन देण्यात आले. २०२५-२६ या आर्थिक वर्षातील पीककर्ज माफ करावे, दुष्काळग्रस्तांच्या खात्यात तातडीने मदत जमा करावी आणि नियमित कर्जफेड करणाऱ्या शेतकऱ्यांना प्रोत्साहनपर अनुदान दिवाळीपूर्वी द्यावे, अशा प्रमुख मागण्या करण्यात आल्या. .Crop Damage Compensation: पीक नुकसानभरपाईसाठी ई-केवायसीची अट रद्द करा; आमदार दिलीप बनकर यांची मागणी.पीकविमा योजनेअंतर्गत ट्रिगरनुसार देय नुकसानभरपाई आणि तफावत रक्कम तातडीने जमा करावी, अशा मागण्या निवेदनात करण्यात आल्या आहेत. याशिवाय संजय गांधी निराधार व दिव्यांगांचे प्रलंबित अनुदान जमा करणे, पात्र केशरी शिधापत्रिकाधारकांना नियमित धान्यपुरवठा करणे, ई-पीकपाहणीतील तांत्रिक अडचणी दूर करण्याची मागणी करण्यात आली. .Cotton Crop Damage: एकाच वेचणीत कपाशीचा खराटा; कमी पावसाचा मराठवाडा, विदर्भातील शेतकऱ्यांना फटका.शेतांचे गट व सर्व्हे क्रमांक ऑनलाइन उपलब्ध नसणे तसेच शेतकरी ओळख क्रमांकाच्या अडचणींमुळे रखडलेल्या पीकपेरा नोंदी तलाठी व कृषी विभागाच्या संयुक्त पथकाद्वारे पूर्ण कराव्यात, असेही निवेदनात म्हटले आहे..शासनाने निर्धारित मुदतीत मागण्यांवर ठोस निर्णय न घेतल्यास बेमुदत आंदोलन छेडण्यात येईल, असा इशारा देण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
