Raigad News: ग्रामीण महिलांनी तयार केलेल्या उत्पादनांना डिजिटल माध्यमातून व्यापक बाजारपेठ उपलब्ध करून देण्यात येत आहे. त्याअनुषंगाने रायगड जिल्हा परिषद, जिल्हा अभियान व्यवस्थापन कक्ष व प्रायमूव्ह, पुणे यांच्या संयुक्त विद्यमाने महिला बचतगट सदस्यांसाठी ‘क्षमता बांधणी’ विषयावर एकदिवसीय कार्यशाळेचे आयोजन करण्यात आले. ही कार्यशाळा सोमवारी (ता. ५) रोहा पंचायत समिती सभागृहात उत्साहपूर्ण व खेळीमेळीच्या वातावरणात पार पडली..या कार्यशाळेस जिल्हा व्यवस्थापक (मार्केटिंग) सिद्धेश राऊळ, डिजिटल मार्केटिंग तज्ज्ञ सागर सावंत (प्रायमूव्ह, पुणे), विभागीय समन्वयक विक्रांत सोहनी (कोकण विभाग, प्रायमूव्ह), प्रभाग समन्वयक मिताली तांडेल (रोहा) यांच्यासह विविध तालुक्यांतील महिला बचतगट सदस्य मोठ्या संख्येने उपस्थित होत्या. .Women Empowerment: महिलांचा आर्थिक सहभाग वाढविण्यासाठी प्रस्ताव.रायगड जिल्ह्यातील १५ तालुक्यांमधील एकूण ४५ महिलांनी या कार्यशाळेत सहभाग नोंदवला. यावेळी महिला उद्योजिकांनी आणलेल्या विविध उत्पादनांची पाहणी करून ई-मार्केट प्लॅटफॉर्मवरील ऑनबोर्डिंगसाठी आवश्यक नोंदणी प्रक्रिया प्रत्यक्षात करून घेण्यात आली. .Women Empowerment: महिलांच्या सहभागाने गावाची वाटचाल समृद्धीकडे.डिजिटल मार्केटिंग तज्ज्ञ सागर सावंत यांनी उत्पादनांचे लेबलिंग, पॅकेजिंग, ब्रँडिंग तसेच ऑनबोर्डिंग प्रक्रिया याबाबत सविस्तर मार्गदर्शन केले आणि उपस्थित महिलांच्या शंकांचे निरसन केले..‘उमेद मार्ट’ हक्काचे व्यासपीठमहाराष्ट्र राज्य ग्रामीण जीवनोन्नती अभियानाच्या ‘उमेद’ उपक्रमांतर्गत ‘उमेद मार्ट’ हा ई-कॉमर्स प्लॅटफॉर्म सुरू करण्यात आला आहे. या प्लॅटफॉर्मवर स्वयंसहाय्यता बचतगटांतील महिलांनी तयार केलेले दागिने, शोभेच्या वस्तू, मसाले, पापड व इतर उत्पादने थेट ग्राहकांपर्यंत पोहोचवली जातात. महिलांच्या कौशल्यांना ओळख मिळण्यास मदत होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
