Junnar News: झेंडूच्या फुलांचे बाजारभाव घसरल्याने झेंडा उत्पादक शेतकरी अडचणीत आला असून त्यामुळे जुन्नर तालुक्याच्या पूर्व भागातील शेतकऱ्यांनी झेंडूची तोडणी बंद केल्याचे चित्र दिसत आहे. तोडणी व वाहतुकीचा खर्च भागत नसल्यामुळे हा निर्णय घेतल्याची माहिती शेतकऱ्यांनी दिली..डिसेंबर महिन्यात लग्नसराई, तसेच ग्रामीण भागातील विविध देवतांच्या यात्रा व उत्सवांना सुरुवात होत असते. त्यामुळे साहजिकच फुलांना मोठ्या प्रमाणात मागणी असते. त्यामुळे जुन्नर तालुक्याच्या पूर्व भागातील राजुरी, वडगाव आनंद, बोरी बुद्रुक, साळवाडी, जाधववाडी, वडगाव कांदळी ह्या परिसरातील अनेक शेतकरी झेंडूचे उत्पादन घेत असतात..Marigold Price: परभणीत दराअभावी झेंडू उत्पादकांची निराशा.सध्या ह्या परिसरात झेंडूच्या बागा चांगल्या प्रमाणात फुलल्या आहेत. परंतु, त्यांचे बाजारभाव अतिशय कमी झाल्याने शेतकऱ्यांचा झेंडू तोडणी व फुले बाजारपेठेत पाठवण्यासाठी होणारा वाहतूक खर्चही भागत नसल्याने या शेतकऱ्यांनी झेंडू तोडणी बंद केलेली दिसून येत आहे..Flower Farmers Issue: फूल उत्पादकांचे चेहरे कोमेजले.सध्या ह्या फुलांना एका किलोला वीस ते पंचवीस रुपये बाजारभाव मिळत आहे. दोन महिन्यांपूर्वी हाच बाजारभाव एका किलोला सुमारे पन्नास रुपये असा होता..अशा प्रकारे दर थेट निम्म्यावर घसरल्याने फुलांची तोडणी परवडेनाशी झाली आहे. फुलतोडणीसाठी शेतकऱ्याला एका माणसासाकरिता दीडशे ते दोनशे रुपये, तसेच गाडी भाडे असे सुमारे अडीचशे रुपये मोजावे लागतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
