Parbhani News: दिवाळी लक्ष्मी पुजनानिमित्त मंगळवारी (ता.२१) परभणी शहरातील विविध ठिकाणच्या बाजारामध्ये झेंडूची मोठ्या प्रमाणावर आवक झाली. झेंडूचे दर प्रतिकिलो १० ते २० रुपयापर्यंत गडगडल्याने झेंडू उत्पादक शेतकऱ्यांची निराशा झाली..परभणी शहरातील वसमत रस्ता, गांधीपार्क, जिंतूर रस्ता आदी ठिकाणच्या बाजारात परभणी व हिंगोली जिल्ह्यातील विविध गावांतील शेतकऱ्यांनी मोठ्याप्रमाणावर झेंडू विक्रीसाठी आणला होता.अनेक शेतकरी सोमवारी (ता.२०) रात्री पासून झेंडू घेऊन आले. .Flower Rate: झेंडूच्या फुलांनी खाल्ला भाव.सोमवारी झेंडूला प्रतिकिलो ४० ते ५० रुपयेपर्यंत दर मिळाले. परंतु मंगळवारी (ता.२१) सकाळी ४० रुपये किलोपर्यंत होते. त्यानंतर झेंडूची मोठी आवक झाल्यामुळे दर १० रुपये किलोपर्यंत गडगडले..Marigold Flower: झेंडूच्या फुलांची आवक बाजारात वाढली.अतिवृष्टी, सततचा पावसामुळे झेंडूच्या दर्जावर परिणाम झाला. दसऱ्याला तुलनेने कमी आवक असल्यामुळे प्रतिकिलो ४० ते ६० रुपये पर्यंत दर मिळाले. दिवाळीला देखील चांगले दर मिळतील अशी शेतकऱ्यांची अपेक्षा होती. परंतु उशिरा लागवड केलेला झेंडू बाजारात दाखल झाल्यामुळे दरामध्ये मोठी घसरण झाली. रांजोणा (ता.वसमत) येथील नवनाथ साळवे म्हणाले, पंधरा गुंठ्यावर झेंडू लागवड केली आहे..शेतकऱ्यांवर झेंडू फेकून द्यायची वेळदसऱ्याला झेंडूला प्रतिकिलो ५० ते ७० रुपये दर मिळाले. दिवाळी लक्ष्मीपुजनाला झेंडूची आवक कमी राहील. दसऱ्याप्रमाणेच दर मिळतील अशी अपेक्षा होती. परंतु दर १० रुपये किलो पर्यंत घसरल्यामुळे तोडणी तसेच वाहतुकीचा खर्च देखील निघाला नाही. पेडगाव (ता.परभणी) येथील शंतनू देशमुख म्हणाले, झेंडूला सकाळी ४० रुपये दर होत. परंतु दुपारी १० रुपये किलोने देखील विक्री होत नव्हती. दर गडगडल्यामुळे अनेक शेतकऱ्यांवर झेंडू फेकून द्यायची वेळ आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
