Chh. Sambhajinagar News : मराठवाड्यातील ११ मोठ्या प्रकल्पांतील उपयुक्त पाणीसाठा ९०.०४ टक्क्यांवर पोहोचला आहे. या सर्व प्रकल्पांमध्ये १८२.०७९ टीएमसी उपयुक्त पाणीसाठा क्षमतेच्या तुलनेत सुमारे १६६.६७ टीएमसी पाणीसाठा, असल्याची माहिती जलसंपदा विभागाकडून देण्यात आली. अनेक भागात जोरदार होत असलेला पाऊस पाणीसाठ्यात झपाट्याने वाढत आहे. .मराठवाड्यातील सर्व ११ मोठ्या प्रकल्पांची उपयुक्त पाणी साठ्याची क्षमता सुमारे १८२.०७९ टीएमसी इतकी आहे. त्यापैकी जायकवाडी या सर्वात मोठ्या प्रकल्पाची उपयुक्त पाणीसाठ्याची क्षमता ७६.६५७ टीएमसी असताना या प्रकल्पात ७२.३६ टीएमसी सुमारे ९४.४० टक्के पाणीसाठा झाला आहे. .Parbhani Water Storage : ‘खडकपूर्णा’तून विसर्ग सुरू;‘येलदरी’च्या पाणीसाठ्यात वाढ.निम्न दुधना प्रकल्पाची उपयुक्त पाण्यासाठी क्षमता ८.५५२ टीएमसी असताना या प्रकल्पात ५.९० टीएमसी म्हणजे सुमारे ६९.०२ टक्के उपयुक्त पाणीसाठा झाला आहे. येलदरी प्रकल्पाची उपयुक्त पाणीसाठा क्षमता २८.५९४ टीएमसी असताना या प्रकल्पात सुमारे २८.४८ टीएमसी म्हणजे ९९.५९ टक्के उपयुक्त पाणीसाठा झाला आहे. सिद्धेश्वर प्रकल्पाची उपयुक्त पाणी साठ्याची क्षमता २.८५९ टीएमसी असताना या प्रकल्पात २.६४ टीएमसी म्हणजे सुमारे ९२.४९ टक्के उपयुक्त पाणीसाठा झाला आहे. .Dam Water Storage: राज्यातील एकूण पाणीसाठा ८०% च्या जवळ; उजनी, राधानगरी १००% भरले.माजलगाव प्रकल्पात एकूण ११.०१७ टीएमसी उपयुक्त पाणीसाठा क्षमतेच्या तुलनेत ५.३० टीएमसी म्हणजे सुमारे ४८.९१ टक्के पाणीसाठा झाला आहे. मांजरा प्रकल्पात ६.२४९ टीएमसी उपयुक्त पाणी साठ्याच्या क्षमतेच्या तुलनेत ५.८६ टीएमसी म्हणजे सुमारे ९३.७३ टक्के उपयुक्त पाणी साठा झाला आहे. पैनगंगा प्रकल्पाची उपयुक्त पाणी साठ्याची क्षमता ३४.०४२ टीएमसी असताना या प्रकल्पात ३४.०४ टीएमसी पाणीसाठा झाल्याने हा प्रकल्प जवळपास तुडुंबच झाला आहे. .मानार प्रकल्पाची एकूण उपयुक्त पाणी साठ्याची क्षमता ४.८८० टीएमसी असताना या प्रकल्पात ४.४१ टीएमसी म्हणजे सुमारे ९०.२६ टक्के उपयुक्त पाणीसाठा झाला आहे. निम्न तेरणा प्रकल्पात ३.२२१ टीएमसी उपयुक्त पाणीसाठा क्षमतेच्या तुलनेत सुमारे ३.०७ टीएमसी उपयुक्त पाणी साठले गेले, जे क्षमतेच्या ९५.४० टक्के इतका आहे. .विष्णुपुरी प्रकल्पाची उपयुक्त पाणी साठ्याची क्षमता २.८५३ टीएमसी असताना प्रकल्पात १.७९ टीएमसी म्हणजे सुमारे ६२.८२ टक्के उपयुक्त पाणी साठले गेले आहे. सीना कोळेगाव प्रकल्पाची एकूण उपयुक्त पाणी साठ्याची क्षमता ३.१५५ टीएमसी असताना या प्रकल्पात आतापर्यंत २.७३ टीएमसी म्हणजे क्षमतेच्या सुमारे ८६.४४ टक्के उपयुक्त पाणी साठले, असल्याची माहिती जलसंपदा विभागाकडून देण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
