Fake Seed Sale In Marathwada: मराठवाड्यातही बनावट बियाण्यांची विक्री होत असल्याचा मुद्दा उपस्थित करण्यात आला आहे. त्यावर कृषिमंत्री दत्तात्रय भरणे यांनी मोठा खुलासा केला आहे. मराठवाड्यात गुणनियंत्रण तपासणीदरम्यान तपासणीअंती १३७ बियाणे नमुने अपात्र आढळून आले आहेत, असे त्यांनी म्हटले आहे. .याबाबत विधानसभेत पाथरीचे आमदार राजेश विटेकर, गेवराईचे आमदार विजयसिंह पंडित यांनी प्रश्न उपस्थित केले होते. परभणी जिल्ह्यासह मराठवाडयात तेलंगणा, गुजरात, मध्य प्रदेश या राज्यांच्या सीमावर्ती भागातून बनावट व दर्जेदार कंपन्यांची खोटी लेबल लावून बियाण्यांची विक्री होत आहे. जवळपास ४०-५० टक्के बियाण्यांचे नमुने अपात्र ठरले आहेत, हे खरे आहे काय? असा त्यांचा प्रश्न होता. त्यावर दिलेल्या लेखी उत्तरात कृषिमंत्री भरणे यांनी, ही माहिती खरी नसल्याचे स्पष्ट केले. .Fake Soybean Seeds: विदर्भात बोगस सोयाबीन बियाण्यांचा पर्दाफाश, ३०० नमुने फेल, परवाने रद्द ते फौजदारी कारवाई, मुख्यमंत्र्यांची माहिती.राज्यांच्या सीमावर्ती भागामधून बनावट व दर्जेदार कंपन्यांची खोटे लेबल लावून बियाण्याची विक्री होत असल्याचे आढळून आलेले नाही. दरम्यान, १३७ बियाणे नमुने अपात्र आढळून आले आहेत, असे कृषिमंत्र्यांनी स्पष्ट केले आहे. .Fake Seeds Companies: पंधरा बियाणे कंपन्यांचे परवाने रद्द करणार : कृषिमंत्री दत्तात्रय भरणे .लातूर विभागामध्ये तपासणीसाठी पाठविलेल्या बियाण्यांच्या २,९३४ नमुन्यांपैकी ७४ नमुने अप्रमाणित घोषित केले आहेत. लातूर विभागातील नांदेड, हिंगोली या जिल्ह्यांमध्ये विनापरवाना बियाणे विक्रीबाबत प्रत्येकी एक गुन्हा दाखल केला आहे. छत्रपती संभाजीनगर विभागातील बीड जिल्ह्याच्या आष्टी तालुक्यात एका उत्पादकाच्या नावे उडीद पिकाचे वाण एन.यु.एल.-७ (विश्वास) याचे नक्कल पॅकेट असणाऱ्या बनावट बियाण्यांची विक्री करणाऱ्या निविष्ठा विक्रेत्यावर गुन्हा नोंद केला आहे..आठ बियाणे विक्रेत्यांचे परवाने रद्द छत्रपती संभाजीनगर, जालना व बीड या तीन जिल्ह्यांमध्ये तीन बियाणे विक्रेत्यांचे परवाने निलंबित आणि आठ बियाणे विक्रेत्यांचे परवाने रद्द केले आहेत. राज्यात खरीप हंगाम सन २०२६-२०२७ मध्ये अनाधिकृत एचटीबीटी बियाण्याच्या अनुषंगाने एकूण ३६ पोलीस गुन्हे दाखल केले. एकूण १९,५८२ पाकिटे जप्त केली असून २,०१३ किलोग्रॅम खुले बियाणे जप्त केले. त्याचे मुल्य २ कोटी २९ लाख इतके आहे. .मराठवाड्यातील सर्व जिल्ह्यात बियाण्यांची तपासणी, नमुना संकलन व उत्पादक विक्रेत्यांची तपासणी नियमितपणे करण्यात येत आहे. संबंधित विक्रेते/वितरक/उत्पादक यांच्या विरूद्ध अत्यावश्यक वस्तू अधिनियम १९५५, बियाणे अधिनियम १९६६, बियाणे नियम १९६८ अन्वये नियमानुसार कायदेशीर कारवाई करण्यात येत आहे, असे कृषिमंत्री भरणे यांनी उत्तरात नमूद केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
