Cotton Yield: मराठवाड्यातील छत्रपती संभाजीनगर, जालना आणि बीड या तीन जिल्ह्यांत यंदाच्या खरीप हंगामासाठी कापूस (रुई) हेक्टरी ३.६९ क्विंटल उत्पादकता प्रस्तावित करण्यात आली आहे. तसेच सोयाबीनचे हेक्टरी १६.०६ क्विंटल उत्पादन अपेक्षित असल्याचे कृषी विभागाच्या नियोजनात नमूद करण्यात आले आहे..यंदाच्या खरीप हंगामासाठी या तीन जिल्ह्यांत २१ लाख ३५ हजार हेक्टर क्षेत्रावर पेरणीचे नियोजन करण्यात आले आहे. त्यापैकी ७ जुलैअखेर ११ लाख ६४ हजार १९३ हेक्टर क्षेत्रावर पेरणी पूर्ण झाली होती. गेल्या वर्षी (२०२५) याच कालावधीत १८ लाख ४० हजार १४४ हेक्टर क्षेत्रावर पेरणी झाली होती..Cotton Productivity Mission: कापूस उत्पादकता अभियान फसण्याचे संकेत.प्रस्तावित क्षेत्रामध्ये छत्रपती संभाजीनगर जिल्ह्याचा ६ लाख १७ हजार हेक्टर, जालना जिल्ह्याचा ६ लाख ४६ हजार हेक्टर आणि बीड जिल्ह्याचा ७ लाख ९२ हजार हेक्टर क्षेत्राचा समावेश आहे..Cotton Productivity Mission: ‘कापूस कांती’ अभियानांतर्गत १०० टक्के अनुदानावर पीक प्रात्यक्षिके.२०२५ च्या खरीप हंगामात कापूस (रुई) हेक्टरी ३.३३ क्विंटल, सोयाबीन १४.४२ क्विंटल, मका २५.११ क्विंटल, तूर ११.५१ क्विंटल आणि उडीद ८.६६ क्विंटल उत्पादन झाले होते. त्या तुलनेत यंदा प्रमुख पिकांच्या उत्पादकतेत वाढ होईल, असा कृषी विभागाचा अंदाज आहे..तीन जिल्ह्यांचा कृषी विभागछत्रपती संभाजीनगर कृषी विभागांतर्गत तीन जिल्हे, २८ तालुके आणि ३,७५१ गावे आहेत. या विभागाचे एकूण भौगोलिक क्षेत्र २८ लाख ४८ हजार हेक्टर, तर लागवडीयोग्य क्षेत्र २३ लाख ७६ हजार हेक्टर आहे. विभागात सुमारे २१ लाख ७७ हजार शेतकरी खातेदार आहेत. या तीन जिल्ह्यांत सर्वसाधारणपणे खरीपासाठी २१ लाख ४२ हजार हेक्टर, रब्बीसाठी ७ लाख २७ हजार हेक्टर आणि उन्हाळी हंगामासाठी ५३ हजार हेक्टर क्षेत्र असते..सुरुवातीपासूनच हवामानाची प्रतिकूलतायंदाच्या हंगामात सुरुवातीपासूनच हवामानाची प्रतिकूलता जाणवत आहे. मान्सूनचे आगमन उशिरा झाल्याने पेरण्या लांबल्या. अनेक ठिकाणी ढगांची गर्दी असली तरी अपेक्षित पाऊस झाला नाही. त्यातच एल निनोचा संभाव्य प्रभावही चिंतेचा विषय ठरत आहे. अशा परिस्थितीतही आधुनिक तंत्रज्ञानाचा प्रभावी वापर करून कापूस, सोयाबीन, मका, तूर आणि उडीद या प्रमुख पिकांच्या उत्पादनात वाढ साधण्याचे कृषी विभागाचे उद्दिष्ट आहे. २०२५ मधील अतिवृष्टीच्या पार्श्वभूमीवर २०२६ मधील अनिश्चित हवामानात बियाणे व खतांचे अचूक नियोजन महत्त्वाचे ठरणार असून त्यासाठी कृषी विभागाकडून जनजागृती करण्यात येत आहे. मात्र अपेक्षित उत्पादनवाढ मोठ्या प्रमाणात हवामानाच्या अनुकूलतेवर अवलंबून राहणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
