Jalgaon News : खानदेशात पावसाने दडी मारली होती. मागील दोन दिवस काही भागात जोरदार ते मध्यम पाऊस झाला आहे. पण नाशिक जिल्ह्यातील विविध भागांत लाभक्षेत्र असलेल्या जळगाव जिल्ह्यातील चाळीसगावमधील मन्याड प्रकल्पात मागील सुमारे आठ ते १० दिवसातच जलसाठा वाढला आहे..मन्याड हा मध्यम प्रकल्प असून, त्यातील जलसाठा या महिन्यातही अल्पच किंवा सुमारे नऊ टक्केच होता. पण त्यात नाशिकमधील प्रकल्पांतून पाणी येत आहे. यामुळे त्यातील जलसाठा ७५ टक्के एवढा झाला आहे. यामुळे चाळीसगावातील पूर्व, उत्तर भागास दिलासा मिळणार आहे. मागील वर्षी हा प्रकल्प १०० टक्के भरला होता. पण यंदा ऑगस्ट महिन्याचा पहिला आठवडा उलटूनही त्यात अत्यल्प जलसाठा होता..Khandesh Water Storage : भूगर्भातील पाणी उपसा घटला.चाळीसगावनजीकच्या नांदगाव (जि.नाशिक) तालुक्यातील गिरणा धरणातील जलसाठाही ६८ टक्के एवढा झाला आहे. गिरणा धरण नाशिकमधील मालेगाव, मनमाडसह जळगावमधील चाळीसगाव, पाचोरा, भडगाव, धरणगाव, एरंडोल, जळगाव आदी भागासाठी लाभदायी आहे. .जळगाव जिल्ह्यातील अनेक प्रकल्प पाऊस हवा तसा नसल्याने रिकामे आहेत. तसेच काही प्रकल्प पूर्ण भरलेले नाहीत. पण गिरणा धरणाचे लाभक्षेत्र नाशिकमध्ये आहे. त्यात नाशिकमधील विविध प्रकल्पांतून पाणी येत आहे..Water Storage Khandesh : पावसाअभावी जलसाठा वाढेना. गिरणा धरणाची साठवण क्षमता १८ टीएमसी आहे. त्यातील जलसाठा यंदा मुबलक आहे. त्यातून अलीकडेच मालेगाव औद्योगिक वसाहतीसाठी पाणी देण्यात आले होते..गिरणेला पूरगिरणाकाठी मागील दोन-तीन दिवसात जोरदार ते मध्यम पाऊस झाला आहे. काही भागात अतिवृष्टी झाली. यामुळे गिरणा नदीला पूर आला आहे. गिरणेला यंदा प्रथमच चांगला पूर आला असून, यामुळे शेतकऱ्यांना दिलासा मिळाला आहे. तसेच तापी नदीतही भुसावळनजीकच्या हतनूर धरणातून विसर्ग सुरू आहे. यामुळे तापीतही चांगले प्रवाही पाणी आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
