Satara News: राज्य शासनाच्या पर्यावरण आणि वातावरणीय बदल विभागाच्या वतीने राबविण्यात आलेल्या ‘माझी वसुंधरा’ अभियान स्पर्धेत पाटण तालुक्यातील मान्याची वाडी ग्रामपंचायतीने सलग तिसऱ्या वर्षी राज्यात प्रथम क्रमांक पटकावून यशाची हॅटट्रिक साधली आहे. .एक कोटी रुपये रोख आणि सन्मानचिन्ह असे या पुरस्काराचे स्वरूप असून, या ऐतिहासिक यशानंतर मान्याचीवाडीत ग्रामस्थांनी जल्लोष केला. पृथ्वी, आप, तेज, वायू आणि आकाश या पंचतत्त्वांवर आधारित असलेल्या या स्पर्धेत मान्याची वाडीने शाश्वत विकासाचे आदर्श मॉडेल उभे केले आहे..Majhi Vasundhara: ‘माझी वसुंधरा’मध्ये सांगली राज्यात प्रथम .२०२३-२४ या वर्षात ग्रामपंचायतीने राबविलेले सघन वृक्षारोपण, जुन्या वृक्षांचे जतन, रूफटॉप वॉटर हार्वेस्टिंग, सौरऊर्जेचा प्रभावी वापर, ई-वेहिकल चार्जिंग सेंटर आणि कचरा व्यवस्थापन यांसारख्या उपक्रमांची दखल राज्य स्तरावर घेण्यात आली आहे..Majhi Vasundhara : दहा ग्रांमपंचायतींना ‘माझी वसुंधरा’मधून ४ कोटींची बक्षिसे.विशेष म्हणजे, अपारंपरिक ऊर्जेच्या वापरामुळे मान्याचीवाडीला महाराष्ट्रातील पहिले ‘सौरग्राम’ होण्याचा बहुमान यापूर्वीच मिळाला आहे. ग्रामपंचायतीने ओला व सुका कचरा प्रक्रिया, बायोगॅस आणि सौरपंपांच्या माध्यमातून पर्यावरण पूरक जीवनशैली अंगीकारली आहे..शनिवारी मुंबईत पुरस्कार वितरणया यशाबद्दल पालकमंत्री शंभूराज देसाई, जिल्हाधिकारी संतोष पाटील आणि जिल्हा परिषदेच्या मुख्य कार्यकारी अधिकारी याशनी नागराजन यांनी ग्रामपंचायतीचे अभिनंदन केले आहे. मुख्यमंत्री आणि उपमुख्यमंत्र्यांच्या हस्ते शनिवारी (ता. २१) मुंबई येथे एका विशेष सोहळ्यात या पुरस्काराचे वितरण करण्यात येणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
