Jalgaon News : खानदेशात कांदेबाग केळी किंवा रब्बी हंगामासाठी शेतांत सध्या पूर्वमशागत, मशागतीची कामे सुरू आहेत. अनेक शेतकऱ्यांना शेणखत न मिळाल्याने त्यांनी आपल्या केळीसाठी नियोजित काळ्या कसदार क्षेत्रात शेणखताएेवजी पांढऱ्या, पाण्याचा निचरा करणाऱ्या मातीची भर घातली आहे. .काळ्या कसदार जमिनीत पाण्याचा निचरा होत नाही. सततच्या पावसात या क्षेत्रात करपा व अन्य बुरशीजन्य रोग बळावतात. या क्षेत्रातील केळीसही पावसाळ्यात कमी उठाव असतो, असे मानतात. यामुळे काळ्या कसदार जमिनीत अनेक जण सध्या शेणखतासह पांढऱ्या मातीची भर घालत आहेत. शेणखत नसल्याने माती अधिकची टाकून घेतली जात आहे..Cow Dung Shortage : शेणखताला सोन्याचा दर, पशुधन कमी झाल्याचा फटका.शेणखतासाठी शोधाशोधशेणखत आता दुरापास्त झाले आहे. त्याचे दरही वधारले आहेत. एक ट्रॉली शेणखत 2600 ते 2800 रुपयांना मिळत आहे. तेदेखील हवे तसे व हवे तेवढे मिळत नाही. मोठे केळी उत्पादक शेणखताची भर केळीसाठी शेतात घालून घेतात. शेणखत गावात न मिळाल्यास अन्य तालुके, अन्य गावांमधून मोठा वाहतूक खर्च करून आणावे लागत आहे. .केळी पट्ट्यात शेणखताची मागणी आहे. खानदेशात धुळ्यातील शिरपूर, नंदुरबारातील तळोदा, शहादा, जळगावातील चोपडा, यावल, जामनेर, रावेर, मुक्ताईनगर, जळगाव, पाचोरा, चाळीसगाव या भागात शेणखताची मागणी वाढली आहे..पुराचा फटका, पशुधनही कमीयंदा पावसात अनेक नदीकाठच्या गावांत जामनेर, पाचोरा, भडगाव, चाळीसगाव, मुक्ताईनगर, बोदवड, पारोळा आदी भागांत हानी झाली. शेणखत व्यवस्थित संकलित करता आले नाही. तसेच अलीकडे पशुधनाची संख्या कमी झाली आहे. यामुळे शेणखत हवे तेवढे नाही. मागणी अधिक आहे. यामुळे शेतकऱ्यांना यंदाही महाग शेणखत घ्यावे लागत आहे..Cow Dung : गाईचे शेण १ रुपया किलोने खरेदी करणार; एनडीडीबीचा महाराष्ट्रासह ६ राज्यांत उपक्रम.कांदेबाग केळीसाठी अधिक मागणीकांदेबाग केळी पीक पावसाळ्यात निसवते व काढणीही पावसाळ्यात सुरू होते. या केळीची लागवड ऑक्टोबर ते डिसेंबर या कालावधीत खानदेशात केली जाते. या केळीसाठी शेणखताची अधिक मागणी आहे. पुढे सण आहे. यामुळे शेतात शेणखत, माती टाकण्याचे काम या महिन्यात वेगात सुरू असून, दिवाळीपूर्वी हे काम आटोपून घेण्याची लगबग सुरू आहे. शेणखत टाकून लागलीच पूर्वमशागत व पुढे केळी लागवड अशी कार्यवाही केली जात आहे..धुळ्यात अनेक गावांत शेणखतधुळ्यात पशुपालन, दूध उत्पादन अधिक आहे. धुळ्यातील धुळे, शिंदखेडा, साक्री या भागात शेणखत विक्रीस उपलब्ध होत असून, केळी उत्पादक या भागात जाऊन शेणखत खरेदी करीत आहेत. त्यासाठी अधिकचा वाहतूक खर्च येत आहे. जळगाव जिल्ह्यातील चाळीसगाव, अमळनेर, धरणगाव आदी भागातही दूध उत्पादकांकडे शेणखत आहे. याची खरेदीदेखील वेगात सुरू असल्याचे चित्र आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
