Nashik News: मनमाड कृषी उत्पन्न बाजार समितीचे संपूर्ण कामकाज आता ऑनलाइन व संगणकीकृत पद्धतीने सुरू करण्यात आले आहे. शेतीमाल विक्रीसाठी बाजार समितीत येणाऱ्या शेतकऱ्यांची अधिकृत ऑनलाइन सॉफ्टवेअर प्रणालीत नोंदणी करण्यात येत असून, या नव्या उपक्रमामुळे बाजार समितीतील व्यवहार अधिक पारदर्शक, जलद होणार असल्याची माहिती बाजार समितीचे सभापती संजय पवार यांनी दिली..Lasalgaon APMC: शेतीमाल विक्रीपश्चात तत्काळ ऑनलाइन पेमेंट.या नव्या प्रणालीअंतर्गत शेतकऱ्यांनी लिलाव प्रक्रियेच्या वेळी नोंदणी करून ऑनलाइन टोकन घेणे बंधनकारक करण्यात आले आहे. हे टोकन बाजार समितीच्या कर्मचाऱ्यांकडून लिलावाच्या वेळी दिले जाणार असून, शेतकऱ्यांनी आपला शेतीमाल खाली केल्यानंतर सदर टोकन बाजार समितीच्या मापारी यांच्याकडे जमा करणे आवश्यक आहे..Pune APMC: पुणे बाजार समितीमध्ये विविध बोरांची चलती.बाजार समितीने या कामकाजासाठी ‘बनतोश ॲग्री इन्फ्रा प्रायव्हेट लि.’ यांच्याकडून अत्याधुनिक सॉफ्टवेअर व पीओसी मशिन खरेदी केल्या आहेत. या प्रणालीद्वारे शेतकरी वर्गाची संपूर्ण माहिती बाजार समितीच्या संगणक प्रणालीमध्ये नोंदवली जात आहे. एकदा शेतकऱ्याची माहिती नोंदविल्यानंतर ती कायमस्वरूपी सेव्ह राहणार असून, पुढील वेळी शेतकरी बाजार समितीत आल्यानंतर केवळ मोबाईल नंबर सांगितल्यास त्याची नोंद त्वरित प्रणालीमध्ये होते..शेतकऱ्यांची माहिती एकदा नोंदविल्यानंतर मोबाईल नंबरवरून लगेच उपलब्ध होईल. वजन व दरभाव ऑनलाइन दिसणार असल्याने वेळेची बचत होईल. शेतकरी बांधवांनी या प्रणालीला सहकार्य करावे.संजय पवार, सभापती, कृषी उत्पन्न बाजार समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
