Nashik News : मनमाड बाजार समितीमध्ये कार्यरत कर्मचाऱ्यांचे पगार सानुग्रह अनुदान,वेतन वाढ व महागाई भत्ताच्या वाढीसाठी वेळोवेळी त्रास देण्यात येत आहे. बाजार समितीकडे पुरेसा निधी शिल्लक असल्याने रक्कम तत्काळ खात्यावर वर्ग करण्याबाबत मागणी बाजार समितीच्या सभापतींकडे करण्यात आली होती. .अन्यथा बाजार समितीमध्ये युनियन व कर्मचाऱ्यांद्वारे काळी दिवाळी साजरी करण्याचा इशारा देण्यात आला होता.मात्र मागणीवर काही कार्यवाही न झाल्याने बाजार समितीच्या कर्मचाऱ्यांनी काळी दिवाळी साजरी करत निषेध व्यक्त केला..Manmad APMC : पगाराअभावी आमच्यावर उपासमारीची वेळ.कर्मचारी व युनियनने बाजार समितीचे सभापती दीपक गोगड यांच्यावर विविध आरोप केले आहेत. ते वारंवार कर्मचाऱ्यांना वेठीस धरुन कर्मचाऱ्यांना बेकायदेशीर कामे करण्यासाठी सांगतात व बेकायदेशीर कामे ऐकले नाही, तर कर्मचाऱ्यांवर कारवाई करतात.याबाबत वेळोवेळी कर्मचाऱ्यांनी बाजार समितीच्या वरिष्ठ कार्यालयांकडे तक्रारी केलेल्या आहेत. त्यानुसार या तक्रारींची चौकशी सुरु आहे. .असे असताना बाजार समिती कर्मचारी सेवा नियमानुसार बाजार समितीच्या कर्मचाऱ्यांना प्रत्येकवर्षी जुलै महिन्यात वार्षिक वेतनवाढ देणे कायद्याने बंधनकारक आहे.तसेच वेतनवाढीचा लाभ मिळणे बाबत कर्मचाऱ्यांनी रीतसर लेखी मागणी केलेली असतांना कर्मचाऱ्यांचे जुलै २०२५ चे मासिक पगारात कर्मचाऱ्यांची वेतनवाढ लावलेली नसल्याचे निदर्शनास आले आहे. .Manmad APMC : मनमाड कृषी उत्पन्न बाजार समितीत सत्तांतराच्या हालचाली.वेतनवाढ लागू न करण्याचे कोणतेही ठोस कारण कर्मचाऱ्यांना सांगण्यात आलेले नाही. यावरुन कर्मचाऱ्यांची वेतनवाढ ही हेतुपुरस्सर कर्मचाऱ्यांना त्रास देण्यासाठी रोखून धरण्यात आल्याचे यावरुन स्पष्ट होते,असे कर्मचाऱ्यांचे म्हणणे आहे. ६ व्या वेतन आयोगानुसार महागाई भत्त्याचा दर हा २५२ टक्के असताना कर्मचाऱ्यांना अद्याप २३९ या दरानेच महागाई भत्ता दिला जात आहे. .त्रास देण्यासाठी कर्मचाऱ्यांचे सानुग्रह अनुदान रोखले ः कर्मचारीसन २०२५–२६चे मंजूर अर्थसंकल्पात बाजार समिती कर्मचाऱ्यांचे सानुग्रह अनुदान रक्कमेसाठी पुरेसा निधी मंजूर असतांना तसेच नियमानुसार ८.३३ टक्के इतका सानुग्रह अनुदान मिळण्याची कर्मचाऱ्यांनी रीतसर लेखी मागणी केली असता, या वर्षी कर्मचाऱ्यांना सानुग्रह अनुदान देण्यात येणार नसल्याचे बाजार समितीचे सभापती यांच्याकडून सांगण्यात आल्याची कर्मचाऱ्यांनी सांगितले.परंतु सानुग्रह अनुदान का देण्यात येणार नाही, याचे कोणतेही ठोस कारण त्यांनी सांगितलेले नाही. यावरुन त्यांनी हेतुपुरस्सर कर्मचाऱ्यांना त्रास देण्यासाठी कर्मचाऱ्यांचे सानुग्रह अनुदान रोखलेले आहे, असा कर्मचाऱ्यांचा आरोप आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
