Mumbai News: माजी क्रीडामंत्री माणिकराव कोकाटे यांना सुनावलेल्या दोन वर्षांच्या शिक्षेला स्थगिती न देता मुंबई उच्च न्यायालयाकडून त्यांना जामीन मंजूर करण्यात आला. त्यामुळे कोकाटे यांचे विधिमंडळ सदस्यत्व रद्द होण्याची शक्यता आहे. मात्र सायंकाली सहापर्यंत विधिमंडळ सचिवालयाने याबाबतची अधिसूचना काढली नव्हती. .एक लाख रुपयांच्या जातमुचलक्यावर त्यांना जामीन मिळाल्याने त्यांची अटक टळली असली, तरी सदस्यत्व धोक्यात आले आहे. दोन दिवसांपूर्वी नाशिक जिल्हा व सत्र न्यायालयाने श्री. कोकाटे यांना दोन वर्षांची शिक्षा सुनावली होती. त्यानंतर उपमुख्यमंत्री अजित पवार यांनी त्यांच्याकडील क्रीडा व अल्पसंख्याक विकास, औकाफ ही खाती काढून घेतली होती. त्यानंतर त्यांच्यावर राजीनाम्यासाठी दबाव आणला होता..Manikrao Kokate: माणिकराव कोकाटेंना उच्च न्यायालयाचा दिलासा, जामीन मंजूर.त्यामुळे त्यांनी गुरुवारी (ता. १८) पदाचा राजीनामा दिला होता. शुक्रवारी (ता. १९) उच्च न्यायालयाच्या न्यायमूर्ती आर. एन. लढ्ढा यांच्यासमोर सुनावणी झाली. या वेळी सरकारी वकील आणि कोकाटे यांच्या वकिलांनी दीड तासाहून अधिक काळ युक्तिवाद केला..Manikrao Kokate Resigns: अखेर कोकाटेंना मंत्रीपद सोडावं लागलं, त्यांचा राजीनामा अजित पवारांनी मुख्यमंत्री फडणवीसांकडे पाठवला.त्यानंतर न्यायमूर्ती लढ्ढा यांनी निकालपत्राचे वाचन केले. या वेळी कोकाटे यांना नाशिक जिल्हा व सत्र न्यायालयाने सुनावलेल्या शिक्षेल स्थगिती न देता ती कायम ठेवली. मात्र एक लाख रुपयांच्या जातमुचलक्यावर त्यांना जामीन मंजूर केला. त्यामुळे कोकाटे यांची तातडीची अटक टळली..कोकोटेंना बायपास शस्त्रक्रियेचा सल्लामाणिकराव कोकाटे सध्या लीलावती रुग्णालयात दाखल आहेत. त्यांना हृदयविकार असून त्यांच्यावर बायपास शस्त्रक्रियेची गरज असल्याची माहिती लीलावतीच्या डॉक्टरांनी शुक्रवारी (ता. १९) दिली. कोकाटे यांच्यावर अँजिओग्राफी केली आहे. त्यांच्या हृदयात चार ब्लॉकेज आढळले असून त्यांना बायपासचा सल्ला दिला आहे. रुग्णाला गरज आहे, त्यामुळे त्यांना दाखल करून घेतले आहे, अशी माहितीही डॉक्टरांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
