Manikrao Kokate sentence suspension details : सदनिका गैरव्यहार प्रकरणी अजित पवार यांच्या राष्ट्रवादी काँग्रेसचे नेते माणिकराव कोकाटे यांना सर्वोच्च न्यायालयाकडून मोठा दिलासा मिळाला आहे. कोकाटे यांना सुनावण्यात आलेल्या दोन शिक्षेला सर्वोच्च न्यायालयाने सोमवारी (दि.२२ डिसेंबर) स्थगिती दिली. मात्र, तूर्त आमदार म्हणून त्यांना अपात्र ठरवले जाणार नाही. तथापि, त्यांना कोणत्याही अधिकाराचा वापर करता येणार नाही, असे सर्वोच्च न्यायालयाने स्पष्ट केले आहे. तसेच या प्रकरणी राज्य सरकारला नोटीस जारी करण्याचे आदेश सरन्यायाधीश सूर्यकांत यांच्या खंडपीठाने दिले आहेत. याचाच अर्थ कोकोटेंचे मंत्रिपद गेले असले तरी त्यांची आमदारकी वाचली आहे. .कोकोटेंना जिल्हा सत्र न्यायालयाने सुनावलेल्या दोन वर्षांच्या शिक्षेला स्थगिती देण्यास मुंबई उच्च न्यायालयाने नकार दिला होता. या निर्णयाला कोकाटे यांनी सर्वोच्च आव्हान दिले आहे. त्यावर न्यायालयाने कोकाटेंना दिलासा दिला आहे..Manikrao Kokate: माणिकराव कोकाटेंना उच्च न्यायालयाचा दिलासा, जामीन मंजूर.त्यांना नुकताच मुंबई उच्च न्यायालयाने १ लाख रुपयांच्या जात मुचलक्यावर जामीन मंजूर केला होता. दरम्यान, त्यांच्या शिक्षेला स्थगिती देण्यास उच्च न्यायालयाने नकार दिला होता. बनावट कागदपत्रांच्या आधारे दुर्बल घटकांसाठी राखीव असलेल्या शासकीय सदनिका लाटल्याचा आरोप कोकाटे आणि त्यांचा भाऊ विजय कोकाटे यांच्यावर आहे. या प्रकरणी त्यांना दोन वर्षांचा तुरुंगवास आणि १० हजार रुपये दंडाची शिक्षा सुनावण्यात आली आहे. यामुळे त्यांनी १६ डिसेंबर रोजी क्रीडा, युवा कल्याण व अल्पसंख्यांक विभागाच्या मंत्रिपदाचा राजीनामा दिला होता. त्यांची आमदारकीही धोक्यात आली होती. पण आता या प्रकरणी त्यांना सर्वोच्च न्यायालयाने दिलासा दिला आहे. .Manikrao Kokate Resigns: अखेर कोकाटेंना मंत्रीपद सोडावं लागलं, त्यांचा राजीनामा अजित पवारांनी मुख्यमंत्री फडणवीसांकडे पाठवला.माणिकराव कोकाटे नेहमीच वादात राहिले आहेत. याआधी त्यांचा विधिमंडळ अधिवेशनात मोबाईलमध्ये रमी खेळतानाचा व्हिडिओ समोर आला होता. यामुळे त्यांच्याकडील कृषिमंत्री काढून त्यांना क्रीडा मंत्रिपद दिले होते. आता त्यांना क्रीडा मंत्रीपदही सोडावे लागले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
