Solapur News: यंदा सोलापूर जिल्ह्यातील आंबा बागांत चांगला मोहर लागूनही प्रतिकूल वातावरणामुळे फळधारणा कमी झाल्याने उत्पादनात ५० टक्क्यांहून अधिक घट होणार आहे. यंदा वाढलेली थंडी खूप काळ राहिल्याचा फटका आंबा बागांना बसल्याचे आंबा उत्पादकांनी सांगितले..जिल्ह्यात चार हजार ८०५ हेक्टरवर आंबा बागा आहेत. यंदा बागांना चांगला मोहर फुटला. मोहर फुटण्यासाठी वातावरण अनुकूल होते. यंदा वाढलेली थंडी मोहर फुटण्यास पूरक ठरले. कारण, मोहर फुटण्यासाठी तापमान १५ ते २० अंश सेल्सिअसपर्यंत खाली येणे गरजेचे असते. सलग सात दिवस १५ अंश सेल्सिअसपेक्षा कमी तापमान राहिल्यास झाडाला चांगला मोहर येतो..Mango Crop : ढगाळ वातावरण आणि उष्णतेत आंबा पिकाची काय काळजी घ्यावी?.मात्र, फळधारणेसाठी मोहर उमलल्यानंतर २० ते २५ अंश सेल्सिअस तापमान उत्तम मानले जाते. यंदा जिल्ह्यातील तापमान १२ अंशांपर्यंत खाली आले. मर्यादेपेक्षा अधिक वाढलेली थंडी अधिक काळ राहिल्यामुळे आंबा बागांना चांगला मोहर येऊनही अपेक्षित फळधारणा होऊ शकली नाही. शिवाय करपाचा प्रादुर्भावही झाला. ५०-६० टक्के कमी फळधारणा झाल्याने बागांचे नुकसान झाले. परिणामी, यंदा जिल्ह्यातील आंबा उत्पादनात घट होणार आहे. तर एप्रिलमध्ये जिल्ह्यातील आंबा बाजारात येणार असल्याचे आंबा उत्पादक शेतकऱ्यांनी सांगितले..Mango Crop Management : आंबा बागेतील फळगळ, फळमाशीला कसं रोखाल?.यंदा अधिक थंडीचा लाभ आंबा बागांत मोहर फुटण्यास झाला. मात्र, थंडी जादा दिवस राहिल्याने आणि मधमाशांचा अभाव यामुळे फळधारणा कमी झाली. फळधारणेच्या काळात कमी थंडी अथवा सर्वसाधारण वातावरण असायला हवे. यंदा तसे झाले नाही. संक्रांतीनंतर शेवटच्या टप्प्यात मोहरावरील करपाही वाढला आहे.- विकास भिसे, विषय विशेषज्ज्ञ, कृषी विज्ञान केंद्र, सोलापूर.उशिरा मोहर उमललेल्या आंबा बागांमध्ये फळधारणा चांगली आहे. त्या बागा चांगल्या अवस्थेत आहेत. मात्र, लवकर मोहर उमललेल्या म्हणजे अधिक थंडीच्या काळात फळधारणा स्थितीत असलेल्या बहुतांश बागांमध्ये फळधारणा ५० टक्क्यांहून अधिक घटली आहे. थंडी- आभाळ यामुळे करपाचाही प्रादुर्भाव झाल्याने बागांचे नुकसान झाले आहे. यंदा एप्रिल महिन्यात आंबा बाजारात येईल.- केशव सरगर, आंबा उत्पादक शेतकरी, खुडूस, ता. माळशिरस.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
