Jalgaon News: खानदेशात सातपुड्यातील आंबा बागा यंदा बऱ्यापैकी आहेत. पण ढगाळ वातावरण, सततचा वारा यामुळे पिकातील मोहर गळून पडू शकतो. यामुळे शेतकरी काटेकोर नियोजन, फवारण्या घेत आहेत..काही ठिकाणी तसेच सातपुडा पायथा परिसरातील आंबा बागांवर बुरशीजन्य रोगांचा प्रादुर्भाव झाल्याचे दिसून येत आहे. त्यामुळे शेतकऱ्यांकडून मोठ्या प्रमाणावर बुरशीनाशकांची फवारणी केली जात असून, पुनःपुन्हा होणाऱ्या वातावरणातील बदलामुळे हा परिणाम झाल्याचे बोलले जात आहे. मात्र यामुळे शेतकऱ्यांना नाहक आर्थिक फटका सहन करावा लागत आहे..Mango Flowering: आंब्याच्या उत्पादनासाठी मोहराचे संरक्षण गरजेचे.जळगाव जिल्ह्यात चोपडा, यावल, धुळ्यात शिरपूर, नंदुरबारात शहादा, अक्कलकुवा, नवापूर व तळोदा भागात आंबा बागा आहेत. तसेच सातपुड्यातही अनेक वर्षे आंबा बागा वाढल्या आहेत. नंदुरबारातील तळोदा तालुक्यातील रांझणी, प्रतापपूर, गोपाळपूर, रोझवा पुनर्वसन भागातील शेतकरी पारंपरिक शेतीसोबतच आधुनिक पिकांकडे वळला आहे. या परिसरातील शेतकरी मोठ्या प्रमाणात आंब्याचे उत्पन्न घेत आहेत..सतत ढगाळ वातावरण असल्याने काही भागातील आंबा बागांत बुरशीजन्य रोगाचा प्रादुर्भाव झाला आहे. तसेच पिकावर तुडतुडे, फुलकिडे या बुरशीजन्य रोगांचा प्रादुर्भाव झाल्याचे कृषितज्ज्ञांकडून सांगण्यात येत आहे. रोगराईने आंबा मोहराचे देठ, फुले यावर कृषी जाळी तयार होऊन नुकसान होते. त्यामुळे शेतकऱ्यांकडून कृषी विभागाच्या मार्गदर्शनाखाली सहकारी बुरशीनाशकांची फवारणी करण्यात येत आहे..Kesar Mango Blossom: केसर मोहरला! .नंदुरबार जिल्ह्यात तळोदा, अक्कलकुवा, शहादा भागात सातपुडा पायथ्यालगत ग्रामस्थांनी आंब्यांची लागवड केली असून, त्याला यंदा चांगला मोहोर आल्याचे चित्र आहे. यंदा चांगले उत्पन्न मिळण्याच्या आशा पल्लवित झाल्या आहेत. झाडाची फांदी वाकू नये यासाठी झाडांना लाकडाच्या साहाय्याने आधार देण्यात आला आहे. शेतकरी आंबा पिकासाठी मेहनत घेत आहेत. निरभ्र व पुरेसा सूर्यप्रकाश आवश्यक आहे, असे शेतकऱ्यांचे म्हणणे आहे..लिंबावरही फवारणीतळोदा तालुक्यात विशेषतः ग्रामीण भागात मोठ्या प्रमाणावर लिंबाची झाडे आहेत. काही परिसरात त्याच्यावरही काही प्रमाणात बुरशीचा प्रादुर्भाव झाल्याचे सांगण्यात येत आहे. त्यामुळे बुरशीनाशकाची फवारणी करण्यात येत असून, त्यांची निगा राखली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
