Export Business: गटाने किमान २०० ते ३०० एकरांवर अतिघन आंबा लागवड केल्यास येथे निर्यात हब उभारता येईल, असे मत डॉ. भगवानराव कापसे यांनी व्यक्त केले..ॲग्रो इंडिया गट शेती संघाचा २५९ वा द्वादश शेतकरी मेळावा सावित्रीबाई फुले महिला एकात्म समाज मंडळ आणि कृषी विभाग सिल्लोड यांच्या संयुक्त विद्यमाने धामणी (ता. सिल्लोड) येथे उत्साहात पार पडला. त्या वेळी डॉ. कापसे बोलत होते. या वेळी डॉ. कापसे यांनी आधुनिक अति घन लागवड आंबा बागेविषयी सविस्तर सादरीकरण केले. डॉ कापसे म्हणाले, की आपण निर्यातदारांच्या नियमित संपर्कात असून, समुद्र मार्गे निर्यातीचे सुद्धा व्यवस्था होत आहे. .Alphanso Mango Farming: मुळशीतील शेतकऱ्यांची सिंधुदुर्गातील आंबा बागांना भेट.आपल्या भागामध्ये असलेल्या जमिनी आंबा बागेसाठी अतिशय सोईच्या आहे. मात्र आपण शेततळे करावे आणि कलम लावल्यानंतर लगेच बाजूला तीन ताज्या कोयी लावून त्या उगवल्यानंतर फेब्रुवारीमध्ये कलमास जोडून द्याव्यात हे फोटोग्राफीक सादरीकरणाच्या माध्यमातून पटवून दिले. सुशिक्षित बेरोजगार युवकांनी कमीत कमी एक एकर फळबाग पूर्णतः आपल्या मार्गदर्शनाखाली उभी करावी. .पाच वर्षांनंतर त्यांना सर्वसाधारण सहा टन उत्पादन मिळू शकते. स्वतः विकल्यास निव्वळ नफा एकरी ४ लाख २० हजार रुपये होतो. म्हणजे महिना ३५ हजार रुपये पगार मिळू शकते ते कसे याचेही सादरीकरण केले. राष्ट्रीय कृषी संशोधन प्रकल्पाचे सहयोगी संचालक संशोधन डॉ. सूर्यकांत पवार यांनी कापूस, सोयाबीन यावर आधुनिक तंत्रज्ञानाविषयी विवेचन केले. .Kesar Mango Quality Centre: तंत्रज्ञांची केसर आंबा गुणवत्ता केंद्रास भेट .डॉ. एस. एस. माने यांनी कापूस पिकातील गुलाबी बोंड आळी नियंत्रणाबाबत सविस्तर माहिती दिली. तालुका कृषी अधिकारी संदीप जगताप यांनी शेतकऱ्यांनी गट पद्धतीने आंबा लागवड केल्यास आपण त्यास शासनातर्फे सहकार्य करू, असे सांगितले. मंडळ कृषी अधिकारी श्री. दापके यांनी शेतकऱ्यांसाठी असलेल्या शासनाच्या विविध योजनाविषयी माहिती दिली..प्रास्ताविक ज्योती शेजुळ आणि सावित्रीबाई फुले संस्थेचे शिवकांत राजवाड यांनी केले. कोट नांद्रा येथील श्री. सोनवणे यांच्या फळातील आंबा बागेस सर्व शेतकऱ्यांसह भेट देऊन डॉ. भगवानराव कापसे यांनी फळगळ नियंत्रण, विरळणी पाणी व खत देण्याच्या पद्धती प्रत्यक्ष शेतामध्ये समजावून सांगितल्या. इथून पुढे निर्यात योग्य फळ उत्पादनासाठी करावयाच्या उपाययोजनांविषयी शेतकऱ्यांना अवगत केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
