Chh. Sambhajinagar News : मराठवाडा आणि विदर्भातील केसर आंबा उत्पादनातील संधी नेमक्या कोणत्या, त्यासाठी काय हवं, शासन स्तरावरून त्यासाठी कोणती मदत हवी याची सविस्तर मांडणी केंद्रीय मंत्री नितीन गडकरी यांच्यासमोर करण्यात आल्याची माहिती महा केसर आंबा बागायतदार संघाचे उपाध्यक्ष तथा तज्ञ संचालक आंबा तज्ज्ञ डॉ. भगवानराव कापसे यांनी दिली. .डॉ. कापसे म्हणाले, की दोन दिवसांपूर्वी नागपूर येथे श्री गडकरी यांची भेट घेतली. या वेळी माजी कुलगुरू डॉ. चारुदत्त मायी, सुधीर दिवे, रवींद्र बोराडकर आणि महा केशर बागायतदार संघाच्या वतीने डॉ. भगवानराव कापसे, किशोर सरोदे, राजेंद्र डांगे, अनिल बोंडे, राजाभाऊ देशमुख, लक्ष्मीकांत पडोळे, अनिरुद्ध अंसिगकर, राजुभाऊ डांगे, सुनील ढोले, अशोकराव सूर्यवंशी, सुभाषबापू मानकर आदी उपस्थित होते..Mango Farming: वीस वर्षे जुन्या आंबा बागेचे होणार नूतनीकरण.मराठवाडा आणि विदर्भात विस्तारणाऱ्या अतिघन केसर आंबा लागवड तंत्रज्ञान या विषयावर सखोल चर्चा झाली. या वेळी, ‘‘सेंटर ऑफ एक्सलन्स फॉर मॅंगो’’ आवश्यक आहे. या माध्यमातून अतिशय तांत्रिक पद्धतीने केसर आंबा विस्तारावर काम केले जाऊ शकते. त्यासाठी केंद्र शासनाच्या राष्ट्रीय फलोत्पादन अभियानाचा आधार हवा. .त्याकरिता राजाश्रय देण्यासाठी पुढाकार घ्या असं साकडे केसर आंबा बागायतदार संघाने श्री. गडकरी यांना घातले. विदर्भामध्ये बऱ्याच मोठ्या प्रमाणात खारपान पट्टा आहे. बऱ्याच जमिनी चोपण आहेत. अशा जमिनीत आंबा घेणे शक्य होत नाही. त्यासाठी परदेशातील रूट स्टॉक जसे की इस्राईलचा १३-१ आणि स्पेनचा गोमेरा-१ हे आशा खारवट जमिनी तसेच चुनखडीयुक्त जमिनीत येऊ शकतात. .Mango Farming : आंब्याच्या योग्य व्यवस्थानासह मार्केटिंगचाही अभ्यास करा.हे रूट स्टॉक आपल्याकडे आणून आपल्याकडे त्याच्यावर प्रयोग करून शेतकऱ्यांना वितरित केल्यास आपल्याकडील खारवट, चोपण जमिनीत सुद्धा आंबा घेणे शक्य होईल आपण सांगितल्याचे डॉ. कापसे यांनी नमूद केले.....या पुढे केल्या मागण्याअतिघन पद्धतीने आंबा लागवडीचा प्रकल्प एक चळवळ व्हावा.यासाठी प्रत्येक जिल्ह्यामध्ये एक किंवा दोन कार्यशाळेतून शेतकऱ्यांना प्रशिक्षित करावंआंबा बागायतदार संघ प्रत्यक्ष शिवार फेरी करून मार्गदर्शन करतो त्यास शासनाचा पाठिंबा मिळावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
