Nandurbar News: नंदुरबार जिल्ह्यात सातपुडा पर्वत व लगतच्या तळोदा, अक्कलकुवा, शहादा या तालुक्यांत आंब्याने मोहर धरला आहे. आंबा बहरला आहे. यामुळे आंबा उत्पादकांच्या आशा पल्लवित झाल्या आहेत. आंब्यांची मोठमोठी झाडे असून, चांगल्या उत्पादनाची अपेक्षा शेतकऱ्यांना आहे. .धडगाव, अक्कलकुवामधील पर्वतीय क्षेत्रात आंबा पीक अधिक आहे. शहादा तालुक्यातील वडाळी व लगत काही भागांतील शिवारात आंब्याच्या झाडांना मोहर फुटत आहे. सध्या मोहर कमी आहे. परंतु आम्रवृक्ष मोहराने बहरत आहेत. आंब्यांचा हा बहरलेला गोडवा शेतकऱ्यांच्या आशा पल्लवित करीत आहे. गतवर्षी अत्यल्प प्रमाणात आम्रवृक्ष बहरला होता. यामुळे आंबा उत्पादनात घट शेतकऱ्यांना जाणवली होती. .Mango Flowering: थंडीमुळे हापूस कलमांनी धरला मुबलक मोहर.यंदा मात्र, या महिन्यात आंब्यांच्या हंगामाला सलामी देण्यास निसर्गाने सुरुवात केली आहे. सातपुड्यातील गावरान आंबे सर्वदूर प्रसिद्ध आहेत. अेक वर्षे जुने आम्रवृक्ष सातपुड्यात आहेत. या आंब्यांना मोठी मागणी खानदेशात असते. .जळगाव जिल्ह्यात रावेरातील पाल, यावलमधील सातपुडा भागात आंबा पीक आहे. काही शेतकऱ्यांनी अलीकडे आंबा उत्पादनास सुरुवात केली आहे..Flower Farming: फुलशेतीतील मूल्यवर्धनातून कुटुंबाला आर्थिक सक्षमता .रब्बी हंगामही बराशहादा, तळोदा भागात पाऊसमान कमी होते. परंतु मागील महिन्यात गारपीट व पाऊस झाला. यामुळे रब्बीचे काही भागांत नुकसान झाले तर काही भागांत पाण्याचे स्रोत बळकट झाले. तापी नदीकाठी पाण्याची मुबलकता आहे. परंतु काही भागांत पाणी कमी आहे. यामुळे रब्बी हंगाम बरा आहे. यातच ज्या वर्षी गव्हासह रब्बी हंगाम चांगला येतो, त्या वर्षी आंब्यांचा हंगाम चांगला उत्पादनाने आकारतो असे शेतकऱ्यांचे अनुभव आहेत..आंब्याला चांगला मोहराचा बहर आल्यास आंबा उत्पादकांना चांगले उत्पादन मिळेल. अक्कलकुवा, तळोदा, धडगाव, शहादा या तालुक्यांत आंब्यांना मोहर फुटण्यास सुरुवात झाली असल्याने मागील वादळी पावसाचे दुःखही काही क्षण जिल्ह्यातील शेतकरी विसरत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
