Sindhudurg News : आंबा, काजू पीक विम्या परताव्यावरून शेतकऱ्यांमध्ये संभ्रमाचे वातावरण निर्माण झाले आहे. काही मंडलांतील स्वयंचलित यंत्रे बंद असल्याने त्या मंडलाना भरपाई देण्याबाबत कार्यवाही झालेली नाही. दरम्यान कृषी विभागाने जाहीर केलेल्या ४३ पैकी २५ मंडले काजुपीक परताव्याकरीता तर तीन मंडले पीक विमा परताव्याकरीता अपात्र ठरली आहेत..हवामानावर आधारित फळपिक विमा योजनेत सिंधुदुर्गातील आंबा, काजू या दोन पिकांचा समावेश आहे. २०२४-२५ मध्ये जिल्ह्यातील ४३ हजार शेतकऱ्यांना आंबा, काजूचे १७ हजार ५७७ हेक्टर क्षेत्र सरंक्षित केले होते. .बुधवारी पीक विमा कंपनीने जिल्हाधिकारी कार्यालयात कार्यक्रम आयोजित करीत पीक विमा परताव्याचे प्रतिकात्मक धनादेश शेतकऱ्यांना देत पीक विमा परताव्याची रक्कम शेतकऱ्यांच्या खात्यात जमा करण्यात येणार असल्याचे जाहीर केले. कृषी विभागाने या कार्यक्रमानंतर विमा कंपनीने ४३ मंडलातील आंबा, काजू पीक परताव्याची आकडेवारी जाहीर केली. ४३ पैकी २५ तब्बल २५ मंडले काजू पीक परताव्याकरीता अपात्र ठरली आहेत. .Fruit Crop Insurance: वर्धा, नागपूर जिल्ह्यांसाठी फळपीक विमा योजनेला सुरुवात .तर तीन मंडलातील आंबा उत्पादकांना परतावा मिळणार नसल्याचे स्पष्ट झाले आहे. त्यामुळे काजू उत्पादकांकडून नाराजीचा सुर व्यक्त होत आहे. जिल्ह्यातील काही मंडलातील स्वयंचलित यंत्रे बंद होती. त्यामुळे त्या मंडलातील डाटा मिळाला नसल्याने त्या मंडलाच्या परताव्याबाबत अजूनही निश्चित निर्णय झालेला नाही. .Fruit Crop Insurance : सांगलीत ३४४ शेतकऱ्यांनी घेतला फळपीक विमा.यामध्ये गोठोस (कुडाळ) निरवडे (सावंतवाडी)कोनाळ (दोडामार्ग) या तीन मडंलाचा समावेश आहे. त्यामुळे शुक्रवारी या तीन मंडलांतील शेतकऱ्यांनी जिल्हा कृषी अधीक्षक कार्यालयातील अधिकाऱ्यांशी चर्चा केली.चर्चेदरम्यान अधिकाऱ्यांनी त्यासंदर्भात लवकरच निर्णय होईल असे सांगितले..जिल्ह्यातील निरवडे, गोठोस आणि कोनाळ या तीन मंडलाचा डाटा न मिळाल्याने त्या मंडलांतील शेतकऱ्यांच्या परताव्याबाबत ठोस कार्यवाही झालेली नाही. त्यामुळे आम्ही २० ते २५ शेतकऱ्यांनी जिल्हा कृषी अधीक्षक कार्यालयात धडक दिली. विमा कंपनीच्या चुकीमुळे शेतकऱ्यांचे नुकसान करू नका. शेतकऱ्यांना तातडीने परतावा द्यावी, अशी मागणी केली आहे.प्रमोद गावडे, आंबा उत्पादक निरवडे, ता. सावंतवाडी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
