Sindhudurg News : जिल्ह्यातील आंबा,काजू उत्पादकांना दिवाळीपूर्वी फळपीक विमा परताव्याचा पहिला हप्ता शेतकऱ्यांच्या खात्यात जमा केला जाईल, असे आश्वासन विमा कंपनीने पालकमंत्री, कृषीमंत्री आणि फलोत्पादनमंत्र्याच्या उपस्थित झालेल्या बैठकीत दिले. .हवामानावर आधारित फळपीक विमा योजनेत जिल्ह्यातील ३३ हजार ४९६ आंबा बागायतदारांनी ११ कोटी ५० लाख रुपये तर १० हजार काजू उत्पादकांनी ४ कोटी रुपये विमा हप्ता विमा कंपनीकडे भरलेला आहे. याशिवाय एका शेतकऱ्यांने केळी पीकाचे २५ गुंठे क्षेत्र सरंक्षित केले आहे. मात्र जोखीम कालावधी संपून चार महिन्याचा कालावधीत झाला आहे..Fruit Crop Insurance : वर्धा, नागपूर जिल्ह्यांसाठी फळपिक विमा योजनेला सुरूवात .परंतु अजूनही पीक विमा परतावा शेतकऱ्यांना मिळालेला नाही. त्यामुळे शेतकऱ्यांनी आक्रमक भूमिका घेण्यास सुरूवात केली आहे. काही दिवसांपूर्वी जिल्हा कृषी अधीक्षकांना शेतकऱ्यांनी घेराव घातला होता. त्यावेळी ५ ऑक्टोबरपूर्वी परतावा मिळेल अशी ग्वाही देण्यात आली होती. परंतु त्याची पुर्तता झालेली नाही. दोन दिवसांपूर्वी महाविकास आघाडीने ९ ऑक्टोंबरला ‘ढोल बजाओ’ आंदोलन करण्याचा इशारा दिला आहे..दरम्यान पालकमंत्री नीतेश राणे यांच्या पुढाकाराने मंगळवारी मंत्रालयात बैठकीचे आयोजन करण्यात आले होते. या बैठकीला कृषीमंत्री दत्तात्रय भरणे, फलोत्पादन मंत्री भरत गोगावले, अप्पर मुख्य सचिव विकास रस्तोगी, कृषी आयुक्त सूरज मांढरे, कृषी प्रकिया व नियोजन संचालक विनयकुमार औटी, जिल्हा कृषी अधीक्षक भाग्यश्री नाईक-नवरे उपस्थित होते..Fruit Crop Insurance : आंबिया बहर फळपीक विमासाठी शेतकरी ओळख क्रमांक बंधनकारक.या बैठकीत पालकमंत्री श्री. राणे यांनी विमा कंपनीच्या चालढकलपणामुळे शेतकऱ्यांना परतावा मिळण्यात विलंब झाला आहे. या कंपनीला काळ्या यादीत टाकण्यात यावे अशी मागणी त्यांनी केली. .यावेळी विमा कंपनीच्या वरिष्ठ अधिकाऱ्यांनी चुक मान्य करीत जिल्ह्यातील आंबा, काजू उत्पादकांना दिवाळीपूर्वी पहिला हप्ता वितरित केला जाईल, असे आश्वासन दिले. विमा कंपनीला ही अखेरची संधी असून पुन्हा हलगर्जीपणा झाल्यास गय केली जाणार नाही, असा इशारा श्री. राणे यांनी दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
